തിരുവനന്തപുരം:രാഹുല് മാങ്കൂട്ടത്തില് എംഎല്എക്കെതിരെ ബലാത്സംഗ പരാതിയുമായി മറ്റൊരു യുവതി കൂടി രംഗത്ത്. മുതിര്ന്ന കോണ്ഗ്രസ് നേതാവ് സോണിയ ഗാന്ധിക്കും കെപിസിസി പ്രസിസന്റിനും യുവതി പരാതി അയച്ചതായാണ് വിവരം. ബെംഗളൂരുവില് താമസിക്കുന്ന 23കാരിയാണ് പരാതിയുമായി എത്തിയത്. വര്ഷങ്ങള്ക്ക് മുമ്പ് നടന്ന സംഭവത്തിലാണ് പെണ്കുട്ടിയുടെ പരാതി. നേരത്തെ, ഇതുമായി ബന്ധപ്പെട്ട് പെണ്കുട്ടിയില് നിന്ന് ക്രൈംബ്രാഞ്ച് വിവരം ശേഖരിച്ചിരുന്നു. എന്നാല് നിയമനടപടിക്ക് തയ്യാറല്ലെന്ന് പെണ്കുട്ടി അറിയിക്കുകയായിരുന്നു. പാര്ട്ടി നേതൃത്വത്തിന് നേരത്തെ തന്നെ പരാതി നല്കിയിരുന്നു. എന്നാല് പരാതി ലഭിച്ചിട്ടില്ലെന്ന് അറിയിച്ചതിനെ തുടര്ന്ന് പെണ്കുട്ടി വീണ്ടും പരാതി നല്കുകയായിരുന്നു. സോണിയാഗാന്ധിക്ക് ഇമെയില് വഴിയാണ് പരാതി നല്കിയിരിക്കുന്നത്. രാഹുലുമായി പത്തനംതിട്ടയില് ഏറ്റവും അടുപ്പമുള്ള വ്യക്തിയേയും കുറിച്ച് പരാതിയില് പറയുന്നു. അയാളുടെ അറിവോട് കൂടിയാണ് പീഡനം നടന്നതെന്നും സുഹൃത്തിന്റെ വീട്ടില് വെച്ചാണ് പീഡനം നടന്നതെന്നും പരാതിയില് പറയുന്നു. ഇതിന് ശേഷം മാനസികമായും ശാരീരികമായും തകര്ന്നു. ഗര്ഭിണിയാവണമെന്ന് രാഹുല് ആവശ്യപ്പെട്ടു. ലൈംഗികമായി പീഡിപ്പിച്ച ശേഷം രാഹുല് ബന്ധത്തില് നിന്നും പിന്മാറിയെന്നും പരാതിയില് പറയുന്നു. അതേസമയം, പരാതി കിട്ടിയ കാര്യം പാര്ട്ടി നേതൃത്വം സ്ഥിരീകരിച്ചിട്ടുണ്ട്. ഇന്ന് ഉച്ചയ്ക്ക് 12.47ന് പരാതി ലഭിച്ചു. എന്നാല് ഇത്തരത്തിലുള്ള പരാതി പൊലീസിനാണ് നല്കേണ്ടത്. പരാതിയില് എന്ത് നടപടിയാണ് സ്വീകരിക്കേണ്ടതെന്ന് നിയമവിദഗ്ധരുമായി സംസാരിക്കുമെന്നും കോണ്ഗ്രസ് വ്യക്തമാക്കുന്നു.അതേസമയം, ആദ്യത്തെ ബലാത്സംഗ പരാതിയില് രാഹുല് മാങ്കൂട്ടത്തില് എംഎല്എ ഇപ്പോഴും ഒളിവിലാണ്. ഇയാള്ക്ക് വേണ്ടിയുള്ള തിരച്ചില് ശക്തമാക്കി. ഒളിവിലുള്ള രാഹുല് താമസിച്ചത് തമിഴ്നാട്- കര്ണാടക അതിര്ത്തിയായ ബാഗലൂരിലെ റിസോര്ട്ടിലെന്നാണ് പുറത്തുവരുന്ന റിപ്പോര്ട്ട്. ബാഗലൂരിലെ റിസോര്ട്ടില് പൊലീസ് എത്തുന്നതിന് മുമ്പ് രാഹുല് മാങ്കൂട്ടത്തില് മുങ്ങി. ഞായറാഴ്ചയാണ് രാഹുല് റിസോര്ട്ടിലെത്തിയതെന്നും അതിന് ശേഷം കര്ണാടകയിലേക്ക് കടന്നെന്നുമാണ് സൂചന. ഒളിവിലുള്ള രാഹുല് കാറുകള് മാറി മാറി ഉപയോഗിക്കുന്നതായും സംശയമുണ്ട്. ബുധനാഴ്ചയാണ് രാഹുല് മാങ്കൂട്ടത്തിലിന്റെ മുന്കൂര് ജാമ്യാപേക്ഷ കോടതി പരിഗണിക്കുന്നത്. രാഹുല് പാലക്കാടില്ലെന്ന് ഉറപ്പിച്ചാണ് അന്വേഷണ സംഘത്തിന്റെ നീക്കം. രാഹുലിനൊപ്പം കേസിലെ രണ്ടാം പ്രതിയായ ജോബി ജോസഫും ഉണ്ടെന്നും വിവരമുണ്ട്. അതേസമയം, പാലക്കാട് നിന്ന് രാഹുല് മുങ്ങിയ ചുവന്ന പോളോ കാര് സിനിമാ നടിയുടെ തന്നെയെന്ന് അന്വേഷണ സംഘം സ്ഥിരീകരിച്ചു. ദിവസങ്ങള്ക്ക് മുമ്പ് രാഹുലിന്റെ ഭവന നിര്മ്മാണ പദ്ധതി ഉദ്ഘാടനം ചെയ്യാനെത്തിയ നടിയുടേതാണ് കാര് എന്നാണ് പൊലീസിന്റെ കണ്ടെത്തല്. ഈ കാറില് തന്നെയാണ് നടി പാലക്കാട് പരിപാടിയ്ക്ക് എത്തിയതെന്ന വിവരവും ലഭിച്ചു. പിന്നീട് ഏത് സാഹചര്യത്തിലാണ് കാര് രാഹുലിനെ ഏല്പ്പിച്ചതെന്ന് പൊലീസ് പരിശോധിക്കുന്നുണ്ട്. ബംഗലൂരുവിലുള്ള നടിയെ ചോദ്യം ചെയ്യാനുള്ള നീക്കത്തിലാണ് അന്വേഷണ സംഘം. കാര് രണ്ട് ദിവസം കിടന്നത് പാലക്കാട്ടെ മുതിര്ന്ന കോണ്ഗ്രസ് നേതാവിന്റേ വീട്ടിലാണെന്നാണ് പൊലീസിന് ലഭിച്ചിരിക്കുന്ന സൂചന. രാഹുലിനെ രക്ഷപ്പെടാന് നേതാവ് സഹായം ചെയ്തോയെന്ന് അന്വേഷണ സംഘം പരിശോധിക്കും. ഇതോടെ രാഹുലിനെ ഒളിവില് കഴിയാന് സഹായിക്കുന്നത് മുതിര്ന്ന കോണ്ഗ്രസ് നേതാക്കളാണെന്ന ആരോപണം ശക്തമാക്കുകയാണ് ബിജെപി. ആരോപണം നിഷേധിച്ച് കെപിസിസി ജനറല് സെക്രട്ടറി സി ചന്ദ്രനും രംഗത്തെത്തി.
Slots con compra de bonus: riesgo y control
Slots con compra de bonus: riesgo y control Encontrar un casino online fiable en 2026 suel…
