മകനെത്തി,ആഗ്രഹം സഫലമായി; ടിപി മാധവനെ അവസാന നോക്ക് കാണാന് മക്കള് എത്തി
അന്തരിച്ച മലയാള നടന് ടിപി മാധവന്റെ പൊതുദര്ശന വേദിയിലെത്തി മകളും മകനും. മകന് രാജ കൃഷ്ണ മേനോനും മകള് ദേവികയുമാണ് വേദിയിലെത്തിയത്. വൃദ്ധസദനത്തിലായിരുന്നു അവസാനകാല ജീവിതം അദ്ദേഹംതള്ളിനീക്കിയത്. പത്തനാപുരം ഗാന്ധിഭവനിലായിരുന്നു അദ്ദേഹത്തിന്റെ താമസം. തിരുവനന്തപുരത്ത് നടന്ന പൊതുദര്ശന വേദിയിലേക്കാണ് ഇവരെത്തിയത്. അച്ഛനില് നിന്ന് അകന്ന് കഴിയുകയായിരുന്നു മക്കളും മറ്റു കുടുംബാം?ഗങ്ങളും.ടിപി മാധവന്റെ സഹോദരങ്ങളും വേദിയിലെത്തിയിട്ടുണ്ട്.
കുടല് സംബന്ധമായ രോഗങ്ങളെ തുടര്ന്നാണ് കൊല്ലത്തെ സ്വകാര്യ ആശുപത്രിയില് ചികിത്സയിലായിരുന്നു. ഇന്നലെയായിരുന്നു മരണം. കഴിഞ്ഞ എട്ട് വര്ഷമായി പത്തനാപുരം ഗാന്ധിഭവന് അന്തേവാസിയാണ് അദ്ദേഹം. 2015ലെ ഹരിദ്വാര് യാത്രക്കിടയിലെ പക്ഷാഘാതത്തെ തുടര്ന്ന് ചികിത്സയ്ക്ക് ശേഷമാണ് ഗാന്ധി ഭവനില് വിശ്രമജീവിതത്തിന് എത്തിയത്. തിരുവനന്തപുരത്ത് ഒരു ലോഡ്ജ് മുറിയില് അവശനായി കിടന്ന ടിപി മാധവനെ ചില സഹപ്രവര്ത്തകരാണ് ഗാന്ധിഭവനില് എത്തിച്ചത്.
ഗാന്ധി ഭവനില് എത്തിയ ശേഷം ആരോഗ്യം ഭേദപ്പെട്ട സമയത്ത് ചില സീരിയലുകളിലും സിനിമകളിലും മാധവന് അഭിനയിച്ചിരുന്നു. എന്നാല് പിന്നീട് മറവി രോഗം ബാധിച്ചു. പ്രശസ്ത അധ്യാപകന് പ്രഫ. എന്പി പിള്ളയുടെ മകനാണ് ടിപി മാധവന്.
തിരുവനന്തപുരം വഴുതക്കാടാണ് ഇദ്ദേഹത്തിന്റെ ജന്മദേശം. നടന് മധുവാണ് മാധവന് സിനിമയില് അവസരം നല്കുന്നത്. 600ല് അധികം സിനിമകളിലും ടെലി സീരിയലുകളിലും അഭിനയിച്ചിട്ടുണ്ട്. താരംസംഘടനയായ ‘അമ്മ’യുടെ സ്ഥാപക ജനറല് സെക്രട്ടറി ആയിരുന്നു ടിപി മാധവന്.
