കൊച്ചി: ആക്ഷന് ഹീറോ ബിജു എന്ന നിവിന് പോളി ചിത്രത്തിലെ വില്ലന് വേഷത്തിലൂടെ ശ്രദ്ധനേടിയ നടന് എന്.ഡി പ്രസാദ് മരിച്ച നിലയില്.കളമശ്ശേരി സ്വദേശിയായ ഇദ്ദേഹത്തെ വീടിന് മുന്നില് തൂങ്ങി മരിച്ച നിലയില് കണ്ടെത്തുകയായിരുന്നു. ഞായറാഴ്ച രാത്രിയാണ് സംഭവം. ഭാര്യയും രണ്ട് കുട്ടികളുമുണ്ട്. ആക്ഷന് ഹീറോ ബിജു കൂടാതെ ചില ചിത്രങ്ങളിലും പ്രസാദ് അഭിനയിച്ചിട്ടുണ്ട്. മാനസിക പ്രശ്നങ്ങളും കുടുംബപ്രശ്നവുമാണ് ആത്മഹത്യയിലേക്ക് നയിച്ചതെന്ന് പോലീസ് പറയുന്നു. നിരവധി അക്രമ കേസുകളുമായി ബന്ധപ്പെട്ട് വിവിധ സ്റ്റേഷനുകളില് കേസുകള് നിലവിലുള്ള ആളാണ് പ്രസാദ്. മയക്കുമരുന്നു കേസിലും കുറച്ചു നാള് മുന്പ് അറസ്റ്റിലായിട്ടുണ്ട്.
