വയനാട് ഡിസിസി ട്രഷറര് എന്എം വിജയന്റെ ആത്മഹത്യയുമായി ബന്ധപ്പെട്ട കേസില് ഐസി ബാലകൃഷ്ണന് എംഎല്എയുടെ അറസ്റ്റില്. കോടതി മുന്കൂര് ജാമ്യം അനുവദിച്ചതിനാല് അറസ്റ്റ് രേഖപ്പെടുത്തി ജാമ്യത്തില് വിട്ടയച്ചു. ചോദ്യം ചെയ്യല് നടപടികള് പൂര്ത്തിയായ സാഹചര്യത്തിലാണ് അറസ്റ്റ് രേഖപ്പെടുത്തിയത്. ആത്മഹത്യ പ്രേരണ കുറ്റമാണ് ഐസി ബാലകൃഷ്ണനെതിരെ ചുമത്തിയിരിക്കുന്നത്.
ഇന്നലെ കേണിച്ചിറയിലെ എംഎല്എയുടെ വീട്ടില് പൊലീസിന്റെ പരിശോധന നടന്നിരുന്നു. കല്പ്പറ്റ സെഷന്സ് കോടതി മുന്കൂര് ജാമ്യം അനുവദിച്ച സാഹചര്യത്തില് അറസ്റ്റ് രേഖപ്പെടുത്തി വിട്ടയക്കുകയാകും ഉണ്ടാവുക. നേരത്തെ ഡിസിസി പ്രസിഡണ്ട് എന്ഡി അപ്പച്ചന് , മുന് കോണ്ഗ്രസ് നേതാവ് കെ കെ ഗോപിനാഥന് എന്നിവരുടെ അറസ്റ്റ് രേഖപ്പെടുത്തിയിരുന്നു.
കേസില് ഐ.സി. ബാലകൃഷ്ണന്, എന്.ഡി. അപ്പച്ചന്, ഡി.സി.സി. മുന് ട്രഷറര് കെ.കെ. ഗോപിനാഥ്, തുടങ്ങിയവരെ പ്രതികളാക്കി പൊലീസ് കേസെടുത്തത്. കെ.പി.സി.സി. പ്രസിഡന്റിന് നല്കാന് വിജയന് എഴുതിയ കത്തില് ഇവരുടെ പേരുകള് പരാമര്ശിച്ചിരുന്നുവെന്നാണ് പറയുന്നത്. പൊലീസ് അന്വേഷണത്തില് ലഭിച്ച മൊഴികളും നേതാക്കളെ പ്രതിചേര്ക്കുന്നതിലേക്ക് നയിച്ചതായാണ് വിവരം.
