തിരുവനന്തപുരം : കെ എസ് ആര് ടി സിയെ കടത്തില് നിന്നും കരകയറ്റുന്നതിനായി ടിക്കറ്റേതര വരുമാനം വര്ദ്ധിപ്പിക്കുന്നതിന് പുതിയ വഴികളുമായി ഗതാഗത മന്ത്രി. കെ എസ് ആര് ടി സി സ്റ്റാന്ഡുകളില് മദ്യശാലകള് ആരംഭിക്കുവാനാണ് നീക്കം. ഇതിനായി ഒഴിഞ്ഞു കിടക്കുന്ന കടമുറികള് ബിവറേജസ് കോര്പ്പറേഷന് അനുവദിക്കുന്നതില് എതിര്പ്പില്ലെന്ന് ഗതാഗത മന്ത്രി ആന്റണി രാജു പറഞ്ഞു. ഒരു സ്വകാര്യ ചാനലിനോട് സംസാരിക്കവേയാണ് വരുമാനം വര്ദ്ധിപ്പിക്കുന്നതിനായി കെ എസ് ആര് ടി സി നടപ്പിലാക്കാന് ആഗ്രഹിക്കുന്ന പുതിയ പദ്ധതിയെ കുറിച്ച് മന്ത്രി വെളിപ്പെടുത്തിയത്. സാധാരണ രീതിയിലുള്ള ലേല നടപടികളിലൂടെയാവും ബെവ്കോയ്ക്ക് മുറികള് അനുവദിച്ച് നല്കുക. നിയമപരമായി മദ്യം വില്ക്കുന്നതിനെ ആര്ക്കും തടയാനാവില്ലെന്നും ടിക്കറ്റ് ഇതര വരുമാനം വര്ദ്ധിപ്പിക്കുന്നതിനുള്ള എല്ലാ വഴികളും സ്വീകരിക്കുമെന്നും മന്ത്രി വ്യക്തമാക്കി. ഇത്തരം മദ്യശാലകള് യാത്രക്കാര്ക്ക് പ്രത്യേകിച്ച് സ്ത്രീകള്ക്ക് അസൗകര്യം ഉണ്ടാക്കാതിരിക്കാന് ശ്രദ്ധിക്കുമെന്നും അദ്ദേഹം പറഞ്ഞു. കെ എസ് ആര് ടി സി സ്റ്റാന്ഡുകളില് മദ്യശാലയുള്ളതുകൊണ്ട് മാത്രം ജീവനക്കാര് മദ്യപിക്കണമെന്നില്ലെന്നും മന്ത്രി അഭിപ്രായപ്പെടുന്നു.
പിഎം ശ്രീയില് മുഖ്യമന്ത്രിയുടെ അനുനയം തള്ളി; കടുത്ത തീരുമാനവുമായി സിപിഐ, മന്ത്രിസഭാ യോഗത്തില് നിന്ന് വിട്ടുനില്ക്കും
തിരുവനന്തപുരം/ആലപ്പുഴ: പിഎം ശ്രീ വിവാദത്തില് മുഖ്യമന്ത്രി പിണറായി വിജയനുമായി സിപിഐ സംസ്ഥാ…
