മലയാളത്തിലെ പ്രശസ്ത സാഹിത്യ വിമര്ശകൻ പ്രൊഫ. എം.കെ. സാനു അന്തരിച്ചു.അദ്ധ്യാപകന്, വാഗ്മി, എഴുത്തുകാരന്, ചിന്തകന് എന്നീ നിലകളിലും പ്രശസ്തനാണിദ്ദേഹം.1928 ഒക്ടോബര് 27നു ആലപ്പുഴയിലെ തുമ്പോളിയില് ജനിച്ചു. 1958ല് അഞ്ചു ശാസ്ത്ര നായകന്മാര് എന്ന ആദ്യഗ്രന്ഥം പ്രസിദ്ധീകരിച്ചു. 1960ല് വിമര്ശനഗ്രന്ഥമായ കാറ്റും വെളിച്ചവും പുറത്തിറങ്ങി. 1983ല് അദ്ധ്യാപനത്തില് നിന്ന് വിരമിച്ചു. സ്ഥാപകാധ്യക്ഷനായിരുന്ന മഹാകവി വൈലോപ്പിള്ളിയെ തുടര്ന്ന് 1986ല് പുരോഗമന സാഹിത്യസംഘം പ്രസിഡണ്ടായി. കോണ്ഗ്രസ് നേതാവ് എ എല് ജേക്കബിനെ പരാജയപ്പെടുത്തി 1987ല് എറണാകുളം നിയമസഭാ മണ്ഡലത്തില് നിന്നും ഇടതുപക്ഷ സ്വതന്ത്രസ്ഥാനാര്ത്ഥിയായി മത്സരിച്ച് വിജയിച്ചു.വിമര്ശനം, വ്യാഖ്യാനം, ബാലസാഹിത്യം, ജീവചരിത്രം തുടങ്ങി വിവിധ സാഹിത്യശാഖകളിലായി നാല്പതോളം കൃതികളുടെ കര്ത്താവാണ് എം.കെ. സാനു. കര്മഗതി എന്നാണ് ആത്മകഥയുടെ പേര്.
