തലശ്ശേരി: നവംബര് അഞ്ചിന് ശബരിമലനട തുറന്നശേഷം പതിനെട്ടാംപടിയില് ആചാരലംഘനം നടന്നാല് ആനിമിഷം കേരളം നിശ്ചലമാകുമെന്ന് ഹിന്ദു ഐക്യവേദി സംസ്ഥാന അധ്യക്ഷ കെ.പി.ശശികല പറഞ്ഞു. വിശ്വാസികള് ആത്മാഹുതി നടത്തിയിട്ടായാലും ശബരിമലയിലേക്ക് യുവതികള് കയറുന്നത് തടയുമെന്നും അവര് പറഞ്ഞു. ശബരിമല കര്മസമിതിയുടെ ധര്മസംഗമം തലശ്ശേരിയില് ഉദ്ഘാടനം ചെയ്യുകയായിരുന്നു ശശികല. സര്ക്കാരിന് തട്ടിക്കളിക്കാനുള്ള സംവിധാനമായി മാറിയ ദേവസ്വം ബോര്ഡ് വിശ്വാസികള്ക്ക് ആവശ്യമില്ല. വിശ്വാസികളുടെ കാര്യം വിശ്വാസികള് തീരുമാനിക്കും. ശബരിമലയിലും ദേവസ്വം ബോര്ഡിനു കീഴിലെ ക്ഷേത്രങ്ങളിലും നയാപൈസയിടില്ലെന്ന് വിശ്വാസികള് പ്രതിജ്ഞയെടുക്കണം.
ഇതുവരെ ഇടതുപക്ഷം ഭരിച്ചപ്പോഴൊന്നും ദേവസ്വം ബോര്ഡ് ശബരിമലയില് ആചാരപരിഷ്കരണത്തിന് എന്തുകൊണ്ട് മുന്നോട്ടുവന്നില്ല. ശബരിമലയില് യുവതീപ്രവേശനത്തിനായി എസ്.എഫ്.ഐ.യോ ഡി.വൈ.എഫ്.ഐ.യോ എന്തുകൊണ്ട് സമരം നടത്തിയില്ല. ഇടതുമുന്നണി പ്രകടനപത്രികയില് പരാമര്ശിക്കാത്ത ശബരിമലയിലെ യുവതീപ്രവേശനമാണ് കോടതിവിധിയുടെ പേരില് അടിച്ചേല്പ്പിക്കാന് ശ്രമിക്കുന്നത്. സെന്കുമാറിന് ഡി.ജി.പി. സ്ഥാനം തിരികെ നല്കണമെന്ന കോടതിവിധി നടപ്പാക്കാന് അമാന്തം കാണിച്ച സര്ക്കാരാണിത്. കോടതിയുടെ വിമര്ശമുണ്ടായപ്പോള് മാത്രമാണ് അത് നടപ്പാക്കിയത്. പാതയോരത്തെ മദ്യശാലകള്ക്കെതിരായ വിധി നടപ്പാക്കാനും സര്ക്കാരിന് താത്പര്യമുണ്ടായില്ല. എന്നാല് ശബരിമലയുടെ കാര്യത്തില് അടുത്തദിവസം തന്നെ വിധി നടപ്പാക്കാന് ഇറങ്ങിപ്പുറപ്പെട്ടു. ആചാരം പരിഷ്കരിക്കുന്നതിന് ആരും എതിരല്ല. അനാചാരം പരിഷ്കരിക്കുകയും ദുരാചാരം മാറ്റുകയും വേണം. തന്ത്രിയാണ് വിഗ്രഹഭാവവും ആചാരവും നിശ്ചയിക്കുന്നത്. അഞ്ചുകൊല്ലം കൂടുമ്പോള് മാറിവരുന്ന മന്ത്രിയല്ല-അവര് പറഞ്ഞു.
Winbeatz casino 2026: pelivalikoima, maksut ja turvallisuus
Ehtojen ja vastuullisen pelaamisen ensiaskeleet Käyttäjäkokemus alkaa jo rekisteröitymises…
