മുനമ്പം ജുഡീഷ്യല് കമ്മിഷന് പ്രവര്ത്തനം തുടരാം തുടരാമെന്ന് ഹൈക്കോടതി. ജസ്റ്റീസ് സി എന് രാമചന്ദ്രന് നായര് കമ്മീഷന് അസാധുവാക്കിയ ഉത്തരവ് ഹൈക്കോടതി ഡിവിഷന് ബഞ്ച് സ്റ്റേ ചെയ്തു. സിംഗിള് ബെഞ്ച് ഉത്തരവിനെതിരെ സംസ്ഥാന സര്ക്കാര് നല്കിയ അപ്പീലിലാണ് ചീഫ് ജസ്റ്റിസ് അധ്യക്ഷനായ ബഞ്ചിന്റെ ഇടക്കാല ഉത്തരവ്. സുപ്രിംകോടതിയില് പോകുന്നില്ലെങ്കില് റിപ്പോര്ട്ട് വേഗം നല്കാമെന്ന് ജസ്റ്റീസ് സി എന് രാമചന്ദ്രന് നായര് പറഞ്ഞു .
ജുഡീഷ്യല് കമ്മീഷണര് റദ്ദാക്കിയ സിംഗിള് ബെഞ്ച് ഉത്തരവ് നിയമപരമല്ലെന്ന് സര്ക്കാര് വാദിച്ചിരുന്നു. മുനമ്പത്തെ പ്രശ്നപരിഹാരങ്ങള്ക്കു പോംവഴികള് ഉണ്ടെന്നും ആവശ്യമെങ്കില് നിയമനിര്മാണം നടത്തുമെന്നും സര്ക്കാര് കോടതിയെ അറിയിച്ചിരുന്നു.പൊതു താല്പര്യം മുന്നിര്ത്തിയാണ് കമ്മീഷനെ നിയമിച്ചത്. ക്രമസമാധാന വിഷയമെന്ന നിലയില് കമ്മീഷന്റെ അന്വേഷണം ആവശ്യമാണെന്നും സര്ക്കാര് കോടതിയില് നിലപാട് വ്യക്തമാക്കിയിരുന്നു.
