ഇടുക്കി: വൃഷ്ടിപ്രദേശങ്ങളില് മഴ കനത്തതോടെ ജലനിരപ്പ് ഉയര്ന്നതിനാല് മുല്ലപ്പെരിയാര് അണക്കെട്ട് നാളെ തുറക്കുമ്പോള് ആദ്യം വെള്ളമെത്തുന്നത് വള്ളക്കടവില്. ജനവാസകേന്ദ്രമായ വള്ളക്കടവിലേക്ക് 20 മിനിറ്റ് കൊണ്ടു വെള്ളം ഒഴുകിയെത്തുമെന്നാണ് കക്കുകൂട്ടുന്നത്. വള്ളക്കടവില് നിന്നും മഞ്ചുമല, വണ്ടിപ്പെരിയാര്, മ്ലാമല, ശാന്തിപ്പാലം, ചപ്പാത്ത്, ആലടി, ഉപ്പുതറ, ആനവിലാസം, അയ്യപ്പന്കോവില്, കാഞ്ചിയാര് വഴിയാണ് ഇടുക്കി അണക്കെട്ടിലെത്തുന്നത്.രാവിലെ ഏഴ് മണിക്ക് അണക്കെട്ടിന്റെ സ്പില്വേയിലൂടെ വെള്ളം ഒഴുക്കിവിടുമ്ബോള് വെള്ളം അയ്യപ്പന് കോവിലില് ഉച്ചയ്ക്ക് 12 മണിക്ക് എത്തും. ഇടുക്കി ഡാമില്നിന്ന് 35 കി.മീ അകലെയാണ് അയ്യപ്പന് കോവില് സ്ഥിതി ചെയ്യുന്നത്.ഇടുക്കി അണക്കെട്ടിലെ ജലനിരപ്പുയര്ന്നാണ് ചെറുതോണി അണക്കെട്ടിലൂടെ വെള്ളം പെരിയാറ്റിലേക്ക് ഒഴുക്കും.എന്നാല് കഴിഞ്ഞയാഴ്ച ഷട്ടറുകള് തുറന്നതിനാല് ഇടുക്കിയില് നിന്നും നിന്നും വെള്ളം ഇനിയും ഒഴുക്കി വിടേണ്ടത് ഇല്ലെന്നാണ് നിഗമനം .ഏലപ്പാറ, ഉപ്പുതറ, പെരിയാര്, മഞ്ചുമല, അയ്യപ്പന് കോവില്, കാഞ്ചിയാര്, ആനവിലാസം എന്നിവിടങ്ങളില്നിന്ന് 3,220 പേരെയാണ് മാറ്റിപ്പാര്പ്പിക്കേണ്ടിവരിക. മുല്ലപ്പെരിയാര് അണക്കെട്ടിലേക്ക് നിലവില് സെക്കന്ഡില് 5,800 ഘനയടി വെള്ളമാണ് ഒഴുകിയെത്തുന്നത്. ഇതില് 2,300 ഘനയടിവെള്ളം തമിഴ്നാട് കൊണ്ടുപോകുന്നുണ്ട്. സ്പില്വേ ഷട്ടറുകള് നാളെ രാവിലെ ഏഴു മണിക്ക് ഷട്ടറുകള് തുറക്കുമെന്ന് തമിഴ്നാട് അറിയിച്ചിട്ടുണ്ട്.മുല്ലപ്പെരിയാര് ഡാം തുറക്കാനുള്ള മുന്നൊരുക്കങ്ങള് പൂര്ത്തിയായെന്ന് ജലവിഭവ വകുപ്പ് മന്ത്രി റോഷി അഗസ്റ്റിന് അറിയിച്ചു. ജനങ്ങള്ക്ക് ആശങ്ക വേണ്ട. മന്ത്രി ഇന്ന് വൈകിട്ട് മുല്ലപ്പെരിയാര് ഡാം സന്ദര്ശിക്കും. 20ഓളം ക്യാമ്പുകള് തയ്യാറാക്കിയിട്ടുണ്ട്. രോഗബാധിതരെയും പ്രായമായവരെയും ആദ്യം മാറ്റും. 20 റവന്യു ഉദ്യോഗസ്ഥര്ക്ക് 20 ക്യാമ്ബിന്റെ ചുമതല നല്കി.ഉദ്യോഗസ്ഥ തലത്തില് പ്രത്യേക ചുമതല നല്കി. ആളുകളെ മാറ്റി പാര്പ്പിക്കാന് നടപടികള് ആരംഭിച്ചു. ഉദ്യോഗസ്ഥരും തയ്യാറെടുപ്പുകള് പൂര്ത്തിയാക്കി. വെള്ളം ഒഴുകിപ്പോകാനുള്ള തടസങ്ങള് നീക്കി. പെരിയാര് തീരത്തുള്ളവരുടെ സുരക്ഷ ഉറപ്പുവരുത്തും. വാഹനങ്ങളും മണ്ണുമാന്തി യന്ത്രങ്ങളും സജ്ജമാണ്.മുല്ലപ്പെരിയാര് ഡാം തുറക്കാനുള്ള എല്ലാ മുന്നൊരുക്കങ്ങളും പൂര്ത്തിയായെന്ന് റവന്യു മന്ത്രി കെ രാജനും അറിയിച്ചു. തമിഴ്നാട് കൂടുതല് വെള്ളം കൊണ്ടുപോകുന്നുണ്ട്. 20 റവന്യു ഉദ്യോഗസ്ഥന്മാര്ക്ക് 20 ക്യാമ്ബുകളുടെ ചുമതല നല്കിയിട്ടുണ്ട്. കൊവിഡ് ബാധിതര്ക്കും നിരീക്ഷണത്തില് ഉള്ളവര്ക്കും പ്രത്യേക ക്യാമ്ബുകള് സജ്ജമാണെന്ന് മന്ത്രി കെ രാജന് പറഞ്ഞു. കൂടാതെ സമൂഹമാധ്യമങ്ങളിലൂടെയുള്ള അനാവശ്യ പ്രചാരണങ്ങള് ഒഴിവാക്കണമെന്നും തെറ്റായ വിവരങ്ങള് പ്രചരിപ്പിച്ചാല് കര്ശന നിയമനടപടിയെന്നും അദ്ദേഹം കൂട്ടിച്ചേര്ത്തു.അതേസമയം മുല്ലപ്പെരിയാര് അണക്കെട്ടിലെ ജലനിരപ്പ് 138 അടി പിന്നിട്ടതോടെ ജില്ലാ ഭരണകൂടം രണ്ടാമത്തെ മുന്നറിയിപ്പ്പുറപ്പെടുവിച്ചു. അണക്കെട്ടിന്റെ വൃഷ്ടി പ്രദേശത്ത് ഇന്നലെ വൈകിട്ട് ശക്തമായ മഴ പെയ്തിരുന്നു. തമിഴ്നാട് കൊണ്ടുപോകേണ്ട വെള്ളത്തിന്റെ അളവ് 2300 ഘനയടിയായി തുടരുന്നു. പൊന്സ്റ്റോക്ക് പൈപ്പിനൊപ്പം ഇറച്ചില് പാലം വഴിയും വെള്ളം കൊണ്ടു പോകുന്നുണ്ട്.
