ഇടുക്കി: കൊച്ചി ധനുഷ്കോടി ദേശീയപാതയിലെ മൂന്നാര് പോലീസ് സ്റ്റേഷന് സമീപം മണ്ണിടിഞ്ഞ് വീണ് ഗതാഗതം തടസപ്പെട്ടു.ഗതാഗതം പുനഃസ്ഥാപിക്കാനുള്ള നടപടികള് പുരോഗമിക്കുകയാണ്.മൂന്നാറില് ദേവികുളത്ത് ഇന്നലെ രാത്രി പെയ്ത മഴയിലാണ് മണ്ണിടിഞ്ഞ് വീണ് ഗതാഗതം തടസപ്പെട്ടത്. ആളപായമോ മറ്റ് ദുരന്തമോ റിപ്പോര്ട് ചെയ്തിട്ടില്ല. ഇടുക്കി ജില്ലയില് ഇന്നലെ വൈകുന്നേരം മുതല് കനത്ത മഴ ഇടവിട്ട് പെയ്യുകയാണ്.ജില്ലയിലെ കനത്ത മഴയെ തുടര്ന്ന് പാംബ്ള, കല്ലാര്കുട്ടി ഡാമുകള് തുറന്നിട്ടുണ്ട്. ഇരു ഡാമുകളില് നിന്നും ചെറിയ തോതില് വെള്ളം പുറത്തേക്ക് ഒഴുക്കുന്നുണ്ട്. പെരിയാറിന്റെയും മുതിരപ്പുഴയാറിന്റെയും തീരത്തുള്ളവര് ജാഗ്രത പാലിക്കണമെന്ന് ജില്ലാ ഭരണകൂടം നിര്ദ്ദേശം നല്കി.
