തിരുവനന്തപുരം: സംസ്ഥാനത്ത് ലോക്സഭാ തിരഞ്ഞെടുപ്പിന് തയ്യാറെടുത്തുകൊണ്ടുള്ള എന് ഡി എ ചെയര്മാന് കെ സുരേന്ദ്രന്റെ സംസ്ഥാന പദയാത്രയ്ക്ക് ജനുവരിയില് തുടക്കം.പദയാത്രയില് കേന്ദ്ര ആഭ്യന്ത്രമന്ത്രി അമിത് ഷാ ഉള്പ്പെടെയുള്ള ദേശീയ നേതാക്കള് പങ്കെടുക്കും.കെ സുരേന്ദ്രന് പദയാത്ര സംഘടിപ്പിച്ചിരിക്കുന്നത് ലോക്സഭാ മണ്ഡലങ്ങള് കേന്ദ്രീകരിച്ചാണ്. പദയാത്രയ്ക്ക് ജനുവരി 21 ന് തുടക്കംകുറിയ്ക്കാനാണ് ആലോചിക്കുന്നത്. അന്തിമ തീരുമാനം ഈ മാസം 9 ന് കോട്ടത്ത് ചേരുന്ന എന്ഡിഎ സംസ്ഥാന യോഗത്തിലായിരിക്കുമുണ്ടാകുക. എന്ഡിഎ നേതാക്കള് പദയാത്രയുടെ മുന്നോടിയായി പഞ്ചായത്ത് തലത്തില് സന്ദര്ശനം നടത്തും.ക്രൈസ്തവ സമൂഹത്തിനെ ചേര്ത്തുനിര്ത്താനായി സംഘടിപ്പിച്ചിരിക്കുന്ന സ്നേഹയാത്രയ്ക്ക് ഈ മാസം 20 ന് തുടക്കംകുറിക്കുന്നതിനായിയാണ് തീരുമാനിച്ചിരിക്കുന്നത്. ഇത്തവണ ലോക്സഭ തെരഞ്ഞെടുപ്പില് എന് ഡി എ പ്രതീക്ഷ അര്പ്പിച്ചിരിക്കുന്നത് ആറ് മണ്ഡലങ്ങളിലാണ്.തിരുവനന്തപുരം, ആറ്റിങ്ങല്, പത്തനംതിട്ട , മാവേലിക്കര, പാലക്കാട്, തൃശ്ശൂര് മണ്ഡലങ്ങളില് മേല്ക്കൈ നേടാന് കഴിയുമെന്നാണ് ദേശീയ നേതൃത്വത്തിന്റെ കണക്കുകൂട്ടല്. കേന്ദ്ര മന്ത്രിമാരായ നിര്മ്മല സീതാരാമന്, ജയശങ്കര്, ശോഭ കരന്തലജ ഉള്പ്പെടെയുള്ള നേതാക്കള്ക്ക് ഈ മണ്ഡലങ്ങളില് ചുമതല നല്കിയട്ടുണ്ട്.
