Category: Kerala

അന്തിക്കാട്: മലിനവും ദുർഗന്ധപൂരിതവുമായ അന്തിക്കാട്ട് കുളം വറ്റിക്കൽ ആരംഭിച്ചു. നിരവധി സന്ദർശകരെ ആകർഷിച്ചിരുന്ന, നാലര ഏറോളം വിസ്തൃതിയുള്ള കുളമാണ് മലിനമായതിനെ തുടർന്ന് വറ്റിക്കുന്നത്. 20 എച്ച്പിയുടെ മൂന്ന് മോട്ടോറുകൾ ഉപയോഗിച്ചാണ് വെള്ളം പുറത്തേക്ക് പമ്പ് ചെയ്യുന്നത്. കുളത്തിലെ ശുചീകരണ പ്രവൃത്തികൾ വിലയിരുത്താൻ ഗീത ഗോപി എം.എൽ.എ, ദേവസ്വം പ്രസിഡന്റ് കെ. രവീന്ദ്രൻ, അന്തിക്കാട് പഞ്ചായത്ത് പ്രസിഡന്റ് സി.കെ. കൃഷ്ണകുമാർ, വൈസ് പ്രസിഡന്റ് സംഗീത ഷിബു തുടങ്ങിയ ജനപ്രതിനിധികളും ദേവസ്വം ഉദ്യോഗസ്ഥരും സ്ഥലത്തെത്തി.

കയ്പമംഗലം: സി.പി.ഐ ലോക്കൽ കമ്മിറ്റിയുടെ ആഭിമുഖ്യത്തിൽ മതിലകം വാട്ടർഅതോറിട്ടി ഓഫീസിന് മുന്നിൽ പ്രതിഷേധം സംഘടിപ്പിച്ചു. കയ്പമംഗലം പഞ്ചായത്തിലെ കുടിവെള്ളക്ഷാമം പരിഹരിക്കണമെന്നും പൈപ്പ് ഇടുന്നതിനു വേണ്ടി പൊളിച്ച ഈസ്റ്റ് ടിപ്പു സുൽത്താൻ റോഡിന്റെ പണി ഉടൻ പൂർത്തിയാക്കണമെന്നും ആവശ്യപ്പെട്ടായിരുന്നു സമരം. സി.പി.ഐ മണ്ഡലം സെക്രട്ടറി ടി.പി.രഘുനാഥ് ഉദ്ഘാടനം ചെയ്തു. ലോക്കൽ കമ്മിറ്റി സെക്രട്ടറി ഇ.ആർ.ജോഷി അദ്ധ്യക്ഷനായി. മണ്ഡലം സെക്രട്ടേറിയേറ്റ് അംഗം എം.ഡി.സുരേഷ്,പി.കെ.റഹിം,രാജി ജോഷി, എ.ഐ.വൈ.എഫ് ജില്ലാ കമ്മിറ്റി അംഗം ദിവ്യ അനീഷ്,പി.എച്ച്.അബ്ദുള്ള,നജീറ നൂർദ്ദീൻ എന്നിവർ സംസാരിച്ചു. സി.എ.ധർമ്മദാസ്,കെ.വി.പ്രദീപ്കുമാർ, ഇ.എസ്.സതീശൻ,…

ചെറുതുരുത്തി:പഴയ കൊച്ചിൻ പാലം തകർന്നു കിടക്കുവാൻ തുടങ്ങിയിട്ട് വർഷങ്ങളായി. പുഴയിൽ വീണുകിടക്കുന്ന പാലത്തിന്റെ അവശിഷ്ടങ്ങൾ പാരിസ്ഥിതിക പ്രശ്നങ്ങളുണ്ടാക്കുന്നതിനാൽ പൊളിച്ചു നീക്കണമെന്നാണ് നാട്ടുകാരുടെ ആവശ്യം. മാത്രമല്ല, തൊട്ടടുത്തായി സ്ഥിതിചെയ്യുന്ന ഭാരതപ്പുഴ തടയണയ്ക്കും കുടിവെള്ള സ്രോതസിനായി നിർമ്മിച്ചിട്ടുള്ള പുഴയിലെ കിണറുകൾക്കും വലിയ ആഘാതം ഉണ്ടാക്കും. 4വർഷങ്ങൾക്കു മുമ്പ് ചേലക്കര എം.എൽ.എയുടെ നിർദ്ദേശപ്രകാരം സർക്കാർ പരിസ്ഥിതി ആഘാത പഠനം നടത്തി പൊളിച്ച് നീക്കുന്നതിനുള്ള നടപടികൾ കൈകൊണ്ടിരുന്നു. കഴിഞ്ഞ സർക്കാർ പാലം പൊളിച്ചു നീക്കുന്നതിനുള്ള ലേല നടപടികളിലേക്ക് കടന്നിരുന്നു. ഇനി പുതിയ സർക്കാരാണ്…