Category: Alappuzha

ആലപ്പുഴ: പുന്നമട എസ്എൻ ജംക്ഷന് സമീപം ഹൗസ്‌ബോട്ടിൽ നിന്ന് വെള്ളത്തിൽ വീണ് ചെന്നൈ സ്വദേശിനിയെ കാണാതായി. ഇന്നലെ രാത്രി 12 മണിയോടെയാണ് സംഭവം. ചെന്നൈയിൽ നിന്ന് വിനോദ സഞ്ചാരത്തിനെത്തിയ 7 അംഗ സംഘത്തിലെ രാജപാളയം സ്വദേശി ശരണ്യ രാധാകൃഷ്ണൻ (34) ആണ് കാണാതായത്. ഹൗസ്‌ബോട്ടിൽ നിന്ന് അബദ്ധത്തിൽ കായലിലേക്ക് വീഴുകയായിരുന്നുവെന്നാണ് പ്രാഥമിക വിവരം. സംഭവം കണ്ട ബോട്ടിലെ ജീവനക്കാരും സമീപത്തുണ്ടായിരുന്നവരും ഉടൻ തന്നെ കായലിൽ തെരച്ചിൽ നടത്തിയെങ്കിലും യുവതിയെ കണ്ടെത്താനായില്ല. തുടർന്ന് നോർത്ത് പൊലീസിനും ഫയർ ഫോഴ്സിനും…

മാവേലിക്കര: കൊറ്റാർകാവ് ബി.എസ്.എൻ.എൽ റോഡ് പൂർണ്ണമായും തകർന്നതോടെ പ്രദേശവാസികളും യാത്രക്കാരും വലിയ ദുരിതത്തിലായി. റോഡിലെ ടാർ ഇളകി കിടക്കുന്നതും കുഴികൾ രൂപപ്പെട്ടിരിക്കുന്നതുമാണ് യാത്രക്കാരെ വലയ്ക്കുന്നത്. ഇരുചക്ര വാഹന യാത്രികരും കാൽനടയാത്രക്കാരുമാണ് ഏറ്റവും കൂടുതൽ ബുദ്ധിമുട്ടനുഭവിക്കുന്നത്. ​മാവേലിക്കര ടൗണിലെ കടുത്ത ഗതാഗതക്കുരുക്കിൽപ്പെടാതെ കൊറ്റാർകാവ് ഭാഗത്തേക്ക് എളുപ്പത്തിൽ എത്തിച്ചേരാൻ ഭൂരിഭാഗം പേരും ആശ്രയിക്കുന്ന പ്രധാന മാർഗമാണ് ഈ റോഡ്. കൂടാതെ റെയിൽവേ ക്രോസ് അടച്ചുകഴിഞ്ഞാൽ ടൗണിലേക്ക് പ്രവേശിക്കാതെ മാവേലിക്കരയുടെ വിവിധ ഭാഗങ്ങളിലേക്ക് പോകാൻ വാഹനയാത്രക്കാർ ആശ്രയിക്കുന്നതും ഇതേ പാത തന്നെയാണ്….

അമ്പലപ്പുഴ : സ്‌നേഹവീട് അഭയ കേന്ദ്രത്തിൽ ദന്തരോഗ ബോധവൽക്കരണ സെമിനാർ നടത്തി. പുഷ്പഗിരി ദന്തൽ കോളേജിന്റെ സഹകരണത്തോടെ നടന്ന ദന്ത പരിശോധനയും ബോധവൽക്കരണ ക്ലാസ്സും ഗ്രാമപഞ്ചായത്തംഗം ഷെഹ്ന മജീദ് ഉദ്ഘാടനം ചെയ്തു പുഷ്പഗിരി ദന്തൽ കോളേജിലെ ഡോ. എ.സുമയ്യ ബോധവൽക്കരണ ക്ലാസിനും പരിശോധനക്കും നേതൃത്വം നൽകി . സ്‌നേഹവീട് ഡയറക്ടർ ആരിഫ് അടൂർ ചടങ്ങിൽ അദ്ധ്യക്ഷത വഹിച്ചു. കെ.ചന്തു , എ.ആഷിക്ക് , ഡോ.അൻസു ഇമ്മാനുവൽ ,ഡോ.അനന്തുലാൽ തുടങ്ങിയവർ സംസാരിച്ചു. ദന്തപരിശോധനാ ക്യാമ്പും നടന്നു.