വിഷ്ണുപുരം ശ്രീ മഹാവിഷ്ണു ക്ഷേത്രം

അനന്തപുരിയുടെ അഭിമാനമായ പത്മനാഭ സ്വാമി ക്ഷേത്രത്തോളം പഴക്കവും അത്രതന്നെ പ്രാധാന്യവുമുള്ള വിഷ്ണുപുരം ശ്രീ മഹാവിഷ്ണു ക്ഷേത്രം.9മം നൂറ്റാണ്ടിണ്ടിൽ കേരളം ഭരിച്ചിരുന്നത് ആയ് രാജ വംശമായിരുന്നു.അന്ന് രണ്ട് രാജ്യ തലസ്ഥാനങ്ങളുണ്ടായിരുന്നതിൽ ഒന്ന് ആയ്ക്കുടി എന്നറിയപ്പെടുന്ന അഗസ്ത്യാർകൂടവും വിഴിഞ്ഞവുമായിരുന്നു.ആയ് പരമ്പരയിലെ കരുനനന്ദടക്കൻ രാജാവാണ് ക്ഷേത്രം പണി കഴിപ്പിച്ചത്.ആർക്കിയോളജിക്കൽ സർവ്വേ ഓഫ് ഇന്ത്യ പ്രസിദ്ധപ്പെടുത്തിയ The Monuments of Kerala(by H. Sarkar) എന്ന പുസ്തകത്തിൽ ക്ഷേത്രത്തിനെ പറ്റി പറയുന്നുണ്ട്.അക്കാലത്ത് ദക്ഷിണേന്ത്യയിൽ തന്നെ അപൂർവ്വമായിരുന്നു വട്ടശ്രീകോവിലോടു കൂടീയ ക്ഷേത്രം. വിഷ്ണുപുരത്ത് നിന്ന് പുരാവസ്തു വകുപ്പ് കണ്ടെത്തിയ ബലി പീഠത്തിലെ ലിഖിതം കേരളത്തിൽ കണ്ടുപിടിക്കപ്പെട്ടവയിൽ ഏറ്റവും പുരാതനമായ വട്ടെഴുത്ത് ലിപിയിലുള്ളതാണ്.കാലപ്പഴക്കം കൊണ്ട് മണ്ണിനടിയിലായ ക്ഷേത്രത്തിന്റെ അവശിഷ്ഠങ്ങൾ കണ്ടെത്തിയത് പുരാവസ്തു ഗവേഷകരാണ്.ആയിരത്തിലേറെ വർഷം പഴക്കമുള്ള വിഗ്രഹം ഗവേഷകർ കണ്ടെത്തുകയും ഇപ്പോൾ കായംകുളം കൃഷ്ണപുരം കൊട്ടാരത്തിലെ മ്യൂസിയത്തിൽ സംരക്ഷിത സ്മാരകമായി സൂക്ഷിച്ചിരിക്കുകയാണ്.1145 വർഷങ്ങൾക്ക് മുമ്പ് കരുനന്ദടക്കൻ മഹാരാജാവ് ക്ഷേത്രത്തിലെ ബലിപീഠത്തിൽ സൂര്യ ചന്ദ്രന്മാരുള്ളടത്തോളം കാലം നൈവേദ്യത്തിനു ഉരി അരി നൽകണം എന്ന് കൊത്തി വച്ചിട്ടുണ്ട്.AD 850ൽ പണിൽ വിഴിഞ്ഞത്തുള്ള ആയ് ക്ഷേത്രം കഴിഞ്ഞാൽAD 867ൽ പണിത വിഷ്ണുപുരം ശ്രീ മഹാവിഷ്ണു ക്ഷേത്രത്തോളം പഴക്കമുള്ള ക്ഷേത്രങ്ങളൊന്നും തന്നെ ദക്ഷിണ കേരളത്തിലില്ല എന്നാണ് പുരാവസ്തു രേഖകളും ചരിത്ര ഗവേക്ഷണ പ്രബന്ധങ്ങളും സാക്ഷ്യപ്പെടുത്തുന്നത്. ഇപ്പോൾ തമിഴ്നാടിന്റെ ഭാഗമായ പാർത്ഥിവ ശേഖരപുരത്തെ ക്ഷേത്രം( AD 865) ആയ് രാജാവ് കരുനന്ദടക്കൻ പണി കഴിപ്പിച്ചതാണ്.ഒരു നൂറ്റാണ്ടോളം മണ്ണിനടിയിലായിരുന്ന ക്ഷേത്രം കണ്ടെത്തിയിട്ട് 20 വർഷത്തോളമേ ആകുന്നുള്ളൂ. ക്ഷേത്രം പണിയാനുപയോഗിച്ച കരിങ്കല്ലുകൾ അഗസ്ത്യാർകൂടത്തിൽ നിന്നാണ് കൊണ്ട് വന്നത്.മണ്ണിനടിയിൽ നിന്ന് കണ്ടെടുത്ത ആ പാളികളാണ് ക്ഷേത്രപരിസരത്ത് വിശ്രമിക്കാനായി ഒരുക്കിയിരിക്കുന്നത്.

തിരുവനന്തപുരം നഗരത്തിൽ നിന്ന് നെയ്യാറ്റിൻകരയിൽ എത്തി അവിടുന്ന് കാട്ടാക്കട റോഡിൽ പെരുമ്പഴുതൂർ മുട്ടയ്ക്കാട് റൂട്ടിൽ വിഷ്ണുപുരം ജംഗ്ഷനിൽ നിന്ന് ഇടത്തോട്ട് 500 മീറ്റർ സഞ്ചരിച്ചാൽ ഈ പുരാതന ക്ഷേത്രത്തിൽ എത്തിച്ചേരാം.