Category: News

കൊല്ലം: കുളത്തൂപ്പുഴയിൽ കാട്ടുപോത്തിന്റെ ആക്രമണത്തിൽ വയോധികന് ദാരുണാന്ത്യം. ബീമാ മൻസിലിൽ ബഷീറാണ് (68) മരിച്ചത്. ഇന്ന് രാവിലെ കുളത്തൂപ്പുഴ ടൗണിലേക്ക് പോകുന്നതിനിടെയാണ് കാട്ടുപോത്ത് ബഷീറിനെ ആക്രമിച്ചത്. സ്ഥലത്ത് വലിയ പ്രതിഷേധം നടക്കുന്നുണ്ട്. നിരന്തരം കാട്ടുപോത്തിന്റെ ശല്യം പ്രദേശത്ത് രൂക്ഷമാണെന്ന് മുൻപും നാട്ടുകാർ പറഞ്ഞിട്ടുണ്ട്. ഇതിന് കൃത്യമായ നടപടി വനംവകുപ്പ് സ്വീകരിച്ചില്ലെന്നാണ് നാട്ടുകാർ പറയുന്നത്. വനംവകുപ്പ് ഉദ്യോഗസ്ഥരും സ്ഥലത്തെത്തിയിട്ടുണ്ട്.

വടശ്ശേരിക്കര: പത്തിവിടർത്തി ഭീതി വിതച്ച മൂർഖൻ പാമ്പിനെ പിടികൂടി. വടശ്ശേരിക്കരയിലെ ഹരിതകർമ്മ സേനാംഗങ്ങൾ മാലിന്യം സൂക്ഷിക്കുന്ന കെട്ടിടത്തിൽ നിന്നാണ് മൂർഖനെ പിടികൂടിയത്. പാമ്പ് പിടിത്ത വിദഗ്ദ്ധൻ ഉതിമൂട് മാത്തുക്കുട്ടിയുടെ സമയോചിതമായ ഇടപെടലാണ് വൻ അപകടം ഒഴിവാക്കിയത്. ഒരാഴ്ചയായി കെട്ടിടത്തിനുള്ളിൽ പാമ്പിന്റെ സാന്നിദ്ധ്യം തൊഴിലാളികളുടെ ശ്രദ്ധയിൽപ്പെട്ടിരുന്നു. എന്നാൽ, ഇത് ഉപദ്രവകാരിയല്ലാത്ത ചേരയാണെന്നാണ് കരുതിയത്. ഇന്നലെ പാമ്പിനെ കണ്ടപ്പോഴും ചേരയാണെന്നാണ് കരുതിയത്. പത്തിവിടർത്തി ഉയർന്നു നിന്നതോടെയാണ് മൂർഖനാണെന്ന് തിരിച്ചറിഞ്ഞത്. സ്ഥലത്തെത്തിയ പാമ്പുപിടിത്ത വിദഗ്ദ്ധൻ ഉതിമൂട് മാത്തുക്കുട്ടി പാമ്പിനെ പിടികൂടി ചാക്കിലാക്കി.

കോട്ടയം: ഓണക്കാലം കർഷകരെ സംബന്ധിച്ച് പ്രതീക്ഷയുടെ കാലമാണ്. എന്നാൽ ഇത്തവണ സ്ഥിതി തികച്ചും വ്യത്യസ്തമാണ്. പ്രതികൂല കാലാവസ്ഥ വെല്ലുവിളി ഉയർത്തുമ്പോൾ ഓണക്കാലം ലക്ഷ്യമാക്കിയുള്ള പച്ചക്കറികൃഷി എങ്ങനെയും സംരക്ഷിക്കാനുള്ള നെട്ടോട്ടത്തിലാണ് കർഷകർ. കർക്കടക മഴ കുറഞ്ഞതോടെ വാഴയും മത്തനും വെള്ളരിയുമൊക്കെ കരിഞ്ഞുണങ്ങുന്ന അവസ്ഥയായി. ഇത് ഉത്പാദനം കുറയാനും വിപണിയിൽ നാടൻ പച്ചക്കറികൾക്ക് വില ഉയരാൻ കാരണമാകുമെന്നും ചൂണ്ടിക്കാട്ടുന്നു. പകൽചൂട് വർദ്ധിച്ചതോടെ രാവിലെയും വൈകിട്ടും വിളകൾക്ക് വെള്ളമൊഴിക്കേണ്ട സാഹചര്യമാണ് കർഷകർക്ക്. ഇതും വെല്ലുവിളിയാണ്. അപ്രതീക്ഷിത വെല്ലുവിളി കാലാവസ്ഥാ വകുപ്പിന്റെ വിലയിരുത്തൽ…

തി​രു​വ​ന​ന്ത​പു​രം​:​ ​നെ​യ്യാ​റ്റി​ൻ​ക​ര​യി​ലെ ഒരു ​ ​ക്ഷേ​ത്ര​ത്തി​ലെ​ ​തു​ലാ​ഭാ​ര​ത്തി​നി​ടെ​ ​ത്രാ​സി​ന്റെ​ ​ക​യ​ർ​ ​പൊ​ട്ടി​വീ​ണ് ​വി.​മു​ര​ളീ​ധ​ര​ൻ​ ​എം.​എ​ൽ.​എ​യ്ക്ക് ​പ​രി​ക്കേ​റ്റു.​ ​കാ​ലി​നാ​ണ് ​പ​രി​ക്ക്.​ ​ഇ​ന്ന​ലെ​ ​വൈ​കി​ട്ടാ​ണ് ​സം​ഭ​വം.​ ​തു​ലാ​ഭാ​രം​ ​ന​ട​ത്തു​ന്ന​തി​നി​ടെ​ ​ത്രാ​സ് ​പൊ​ട്ടി​യ​തോ​ടെ​ ​എം.​എ​ൽ.​എ​ ​നി​ല​ത്തു​വീ​ണു.​ ​പൊ​ട്ടി​യ​ ​ത്രാ​സ് ​കാ​ലി​ൽ​ ​പ​തി​ച്ചാ​ണ് ​പ​രി​ക്കേ​റ്റ​ത്.​ ​അ​ദ്ദേ​ഹം​ ​തി​രു​വ​ന​ന്ത​പു​ര​ത്തെ​ ​സ്വ​കാ​ര്യ​ ​ആ​ശു​പ​ത്രി​യി​ൽ​ ​ചി​കി​ത്സ​ ​തേ​ടി​യ​താ​യി​ ​എം.​എ​ൽ.​എ​യു​ടെ​ ​ഓ​ഫീ​സ് ​അ​റി​യി​ച്ചു.