തിരുവനന്തപുരം∙ പി.എം. ശ്രീ വിഷയത്തിൽ കെപിസിസി രാഷ്ട്രീയകാര്യസമിതി യോഗത്തിൽ തർക്കം. പദ്ധതി ഒരു കാരണവശാലും നടപ്പാക്കരുതെന്ന് ചില മുതിർന്ന നേതാക്കൾ ഉൾപ്പെടെ ആവശ്യപ്പെട്ടു. എന്നാൽ കഴിഞ്ഞ സർക്കാർ ഒപ്പിട്ട കരാറിൽനിന്നു പിന്മാറാൻ കഴിയില്ലെന്ന് മുഖ്യമന്ത്രി വി.ഡി.സതീശൻ ആവർത്തിച്ചു. ഇതു സംബന്ധിച്ച് നിയമോപദേശം ലഭിച്ചുവെന്നും വിദ്യാഭ്യാസ വകുപ്പിന് കേന്ദ്രസഹായം ലഭിക്കില്ലെന്നും മുഖ്യമന്ത്രി വ്യക്തമാക്കി.
യുഡിഎഫ് സർക്കാർ അധികാരത്തിൽ വന്നതിനു ശേഷമുള്ള ആദ്യ രാഷ്ട്രീയകാര്യ സമിതി യോഗമാണ് ഇന്നു തിരുവനന്തപുരത്തു ചേർന്നത്. എത്രയും പെട്ടെന്നു മുഴുവൻ സമയ കെപിസിസി പ്രസിഡന്റിനെ നിയമിക്കണമെന്ന് നേതാക്കൾ ആവശ്യപ്പെട്ടു. സർക്കാരും പാർട്ടിയും തമ്മിലുള്ള ഏകോപനം വേണ്ടത്ര ഫലപ്രദമായി നടക്കുന്നില്ലെന്ന വിമർശനവും ഉയർന്നു. ബോർഡ്, കോർപറേഷൻ മേധാവിമാരുടെ നിയമനം വൈകുന്നതിൽ നേതാക്കൾ അതൃപ്തി പ്രകടിപ്പിച്ചു.
നൂറു ദിവസം കഴിഞ്ഞിട്ടും പാർട്ടിയിൽ നിന്നുള്ളവർക്കു നിയമനം നൽകാൻ കഴിഞ്ഞിട്ടില്ല. ഘടക കക്ഷികൾക്കുള്ള അതൃപ്തിയും ചില നേതാക്കൾ ചൂണ്ടിക്കാട്ടി. 15 ദിവസത്തിനുള്ളിൽ ബോർഡ്, കോർപറേഷൻ നിയമനങ്ങൾ പൂർത്തിയാക്കുമെന്നു മുഖ്യമന്ത്രി പറഞ്ഞു. സർക്കാരിന്റെ നൂറു ദിവസത്തെ പ്രവർത്തനം മികച്ചതാണെന്നു യോഗം വിലയിരുത്തി.ഓണാഘോഷ പരിപാടികൾ ഗംഭീരമാക്കി. വയനാട് പ്രകൃതി ദുരന്തവുമായി ബന്ധപ്പെട്ട് സർക്കാർ മികച്ച രീതിയിൽ പ്രവർത്തിച്ചുവെന്ന് കെപിസിസി പ്രസിഡന്റ് സണ്ണി ജോസഫ് പറഞ്ഞു. മദ്യനയം പാർട്ടിയിൽ ചർച്ച ചെയ്തശേഷം തീരുമാനിക്കും. കേരളത്തിന്റെ മതേതര സ്വഭാവം നിലനിർത്തിയും വർഗീതയ്ക്കു കീഴടങ്ങാതെയും മാത്രമേ പിഎംശ്രീയുമായി മുന്നോട്ടു പോകൂ. അവകാശങ്ങൾ സംരക്ഷിക്കാൻ സിപിഐ നടത്തുന്ന പോരാട്ടത്തിന് എല്ലാ ധാർമിക പിന്തുണയും ഉണ്ടാകുമെന്നും സണ്ണി ജോസഫ് പറഞ്ഞു.
