Category: Local News

അടിമാലി: മാങ്കുളം കമ്പനിപ്പടി പാമ്പുംകയം റോഡ് തകർന്നതോടെ യാത്ര ദുഷ്‌ക്കരമാകുന്നു. സ്‌കൂൾ വിദ്യാർത്ഥികൾ അടക്കം നിരവധിയാളുകൾ സഞ്ചരിക്കുന്ന പാതയിലാണ് ഇത്തരമൊരു ദുരവസ്ഥ. മാങ്കുളം ആശുപത്രിയിലും റേഷൻ കടയിലുമെത്താൻ ആളുകൾക്ക് ഏക ആശ്രയമായ വഴിയാണ് തകർന്ന് തരിപ്പണമായത്. രണ്ട് കിലോമീറ്ററോളം ദൂരമുള്ള റോഡിന്റെ കുറച്ച് ഭാഗം കോൺക്രീറ്റ് ചെയ്തതാണെങ്കിലും മറ്റുള്ള സ്ഥലമാണ് തകർന്ന് കിടക്കുന്നത് എ.രാജ എം.എൽ.എയായിരുന്ന സമയം 20 ലക്ഷം രൂപ റോഡിനായി വകയിരുത്തിയതാണെങ്കിലും പണി പൂർത്തിയാക്കാനായിട്ടില്ല റോഡ് പണി ഉടനടി പൂർത്തിയാക്കണമെന്ന് നാട്ടുകാർ ആവശ്യപ്പെട്ടു.

കോട്ടയം: വയനാട്ടിലുണ്ടായ മണ്ണിടിച്ചിൽ ദുരന്തപശ്ചാത്തലത്തിൽ ജില്ലയിലും സമാനമായ പ്രകൃതിദുരന്ത സാദ്ധ്യതയെന്ന് ജില്ലാ ദുരന്തനിവാരണ അതോറിട്ടി.പത്തിടങ്ങളിൽ ഉരുൾപൊട്ടൽ സൗദ്ധ്യതയും പതിനൊന്ന് ഇടങ്ങളിൽ മണ്ണിടിച്ചിൽ ഭീഷണിയുമുണ്ടെന്ന് സ്റ്റേറ്റ് എമർജൻസി ഓപ്പറേഷൻ സെന്റർ തയാറാക്കിയ വിവിധ ദുരന്തസൂചികാ ഭൂപടത്തിലെ വിവരങ്ങൾ വ്യക്തമാക്കുന്നു. ശക്തമായ മഴ തുടർന്നാൽ മലയോരമേഖലകളിൽ ഉരുൾപൊട്ടലിനും മണ്ണിടിച്ചിലിനും സാദ്ധ്യത വർദ്ധിക്കുമെന്നാണ് വിലയിരുത്തൽ. എന്നാൽ മഴ മാറിനിൽക്കുന്നത് ഈ സീസണിൽ ആശ്വാസമാണ്. അതേസമയം, കിഴക്കൻപടിഞ്ഞാറൻ മേഖലകളിലെ താഴ്ന്ന പ്രദേശങ്ങൾ വെള്ളപ്പൊക്ക ഭീഷണിയിലാണ്. മീനച്ചിലാറിന്റെയും മണിമലയാറിന്റെയും തീരപ്രദേശങ്ങളിലാണ് വെള്ളക്കെട്ടിനും വെള്ളപ്പൊക്കത്തിനും കൂടുതൽ…