തിരുവനന്തപുരം: ശബരിമല സ്വർണക്കൊള്ള കേസുമായി ബന്ധപ്പെട്ട് ദേവസ്വം ബോർഡ് മുൻ പ്രസിഡന്റ് പി എസ്‌ പ്രശാന്ത് കസ്റ്റഡിയിൽ. തിരുവനന്തപുരം ഏണിക്കരയിലെ വീട്ടിൽ നിന്നാണ് പ്രത്യേക അന്വേഷണ സംഘം കസ്റ്റഡിയിലെടുത്തത്. പ്രശാന്തിനെ കൊല്ലത്ത് എത്തിച്ചശേഷമാകും ചോദ്യംചെയ്യലും മറ്റ് നടപടികളും സ്വീകരിക്കുകയെന്നാണ് വിവരം.   രണ്ട് ദിവസം മുമ്പ് പ്രശാന്തിനെ അറസ്റ്റ് ചെയ്യാൻ ക്രൈംബ്രാഞ്ച് നീക്കം നടത്തിയിരുന്നെങ്കിലും പിന്നീട് അതിൽ നിന്ന് പിന്മാറി. തുടർന്ന് ഇന്ന് രാവിലെ കസ്റ്റഡിയിലെടുക്കുകയായിരുന്നു. ദേവസ്വം ബോർഡ് മുൻ അംഗം അജികുമാറിന്റെയും തിരുവാഭരണ കമ്മീഷണർ റജിലാലിന്റെയും…

കൊളുക്കുമല അപകടം ഇടുക്കിയിൽ ആശങ്കയുണർത്തി. തമിഴ്‌നാട് ചെന്നൈ സ്വദേശിയായ 31-കാരൻ കാർത്തിക് സിംഹപ്പാറ വ്യൂ പോയിന്റിന് സമീപത്ത് നിന്ന് ആയിരക്കണക്കിന് അടി താഴ്ചയുള്ള കൊക്കയിലേക്ക് വീണതായി റിപ്പോർട്ട്. രക്ഷാപ്രവർത്തനം തുടരുന്നതിനിടെ സംഭവത്തിന്റെ കാരണം കണ്ടെത്താൻ പോലീസ് അന്വേഷണം ആരംഭിച്ചു. ഇടുക്കി ജില്ലയിലെ പ്രശസ്ത വിനോദസഞ്ചാര കേന്ദ്രമായ കൊളുക്കുമലയിലെ സിംഹപ്പാറയിൽ ഇന്ന് രാവിലെ എട്ടുമണിയോടെയാണ് അപകടമുണ്ടായത്. സൂര്യനെല്ലിയിൽ നിന്ന് ഓഫ്‌റോഡ് ജീപ്പിൽ എത്തിയ വിനോദസഞ്ചാര സംഘത്തിനൊപ്പമായിരുന്നു കാർത്തിക്. അതേസമയം, സിംഹപ്പാറ വ്യൂ പോയിന്റിന് സമീപം നിൽക്കുന്നതിനിടെയാണ് യുവാവ് പെട്ടെന്ന് കൊക്കയിലേക്ക്…