അപകട ഭീഷണിയിൽ ഫ്ലോട്ടിംഗ് റസ്റ്റോറന്റുകൾ
പൂവാർ: നെയ്യാറിലെ ബ്രേക്ക് വാട്ടറിൽ അനധികൃതമായി പ്രവർത്തിക്കുന്ന ഫ്ലോട്ടിംഗ് റസ്റ്റോറന്റുകൾക്ക് പൂട്ടിടണമെന്ന ആവശ്യം ശക്തമാകുന്നു. ഗ്രാമപഞ്ചായത്ത്,ഇറിഗേഷൻ,ടൂറിസം എന്നിവയുടെ അനുമതി ഇല്ലാതെയാണ് ഇവയിൽ മിക്കതും പ്രവർത്തിക്കുന്നത്. ഇവയെക്കുറിച്ച് നിരവധി പരാതികൾ നൽകിയിട്ടും അധികൃതർ ഉചിതമായ നടപടികൾ സ്വീകരിക്കുന്നില്ലെന്നാണ് നാട്ടുകാരുടെ പരാതി. പൂവാർ,കുളത്തൂർ പഞ്ചായത്തുകൾ അതിർത്തി പങ്കിടുന്ന നെയ്യാറിൽ ആറും, എ.വി.എം കനാലിൽ ഒമ്പതും ഫ്ളോട്ടിംഗ് റസ്റ്റ്റ്റോറന്റുകളാണുള്ളത്. ഇവയ്ക്ക് പ്രാഥമികമായി വേണ്ടത് തദ്ദേശ സ്ഥാപനത്തിന്റെ എൻ.ഒ.സിയാണ്. എന്നാൽ ഈ ഫ്ലോട്ടിംഗ് റസ്റ്റോറന്റുകളെ സംബന്ധിക്കുന്ന യാതൊരു വിവരവും ഗ്രാമ പഞ്ചായത്തുകളിൽ ലഭ്യമല്ല….
