ന്യൂഡൽഹി: ഇന്ത്യയ്ക്കും ചൈനയ്ക്കും വലിയ ആശ്വാസം പകർന്നു കൊണ്ട്, റഷ്യൻ കയറ്റുമതിയുമായി ബന്ധപ്പെട്ട നിരവധി ഉപരോധങ്ങളും തീരുവകളും യുഎസ് പ്രസിഡന്റ് ഡൊണാൾഡ് ട്രംപ് ഒഴിവാക്കി. കഴിഞ്ഞ മാസം ഒപ്പുവെച്ച ബിൽ പ്രകാരം ഈ ഉപരോധങ്ങൾ പ്രാബല്യത്തിൽ വരാൻ ഒരു ദിവസം മാത്രം ബാക്കിനിൽക്കെയാണ് ട്രംപിന്റെ നടപടി.
സിഡ്നി: ഓസ്‌ട്രേലിയൻ സൂപ്പർമാർക്കറ്റുകളിലെ ഇന്ത്യൻ ഭക്ഷ്യ ഉൽപ്പന്നങ്ങളിൽ ഇന്ത്യക്കാരെ ലക്ഷ്യമിട്ടുള്ള വംശീയ അധിക്ഷേപ സ്റ്റിക്കറുകൾ പ്രത്യക്ഷപ്പെട്ടു. ഇന്ത്യക്കാരെപ്പോലെ തോന്നിക്കുന്ന ഒരാൾ തെരുവിൽ മലമൂത്രവിസർജ്ജനം നടത്തുന്ന ചിത്രവും അതിനോടൊപ്പം "ഇതാണോ നിങ്ങളുടെ സംസ്‌കാരം? ഞങ്ങൾക്ക് ഇത് ഇഷ്ടമല്ല!" എന്ന സന്ദേശവും അടങ്ങിയതാണ് ഈ സ്റ്റിക്കറുകൾ.
വാഷിംഗ്ടൺ: പിക്കാക്സ് മലനിരകളിലെ ഇറാന്റെ ആണവ കേന്ദ്രം ആക്രമിച്ചേക്കുമെന്ന മുന്നറിയിപ്പുമായി യു.എസ് പ്രസിഡന്റ് ഡൊണാൾഡ് ട്രംപ്. ആക്രമണത്തിന് കരസേനയെ അയക്കില്ലെന്നും ട്രംപ് സൂചന നൽകി. ന്യൂസ് മാക്സിന് നൽകിയ അഭിമുഖത്തിലാണ് ട്രംപ് ഇക്കാര്യം വ്യക്തമാക്കിയത്. ഇറാനെതിരെയുള്ള ആക്രമണത്തിൽ ആണവായുധം പ്രയോഗിക്കില്ലെന്നും അദ്ദേഹം പറഞ്ഞു. ഇറാന് ഒരിക്കലും ആണവായുധം സ്വന്തമാക്കാനാകില്ലെന്ന് ഉറപ്പാക്കാനാണ് അമേരിക്ക ആഗ്രഹിക്കുന്നതെന്നും ട്രംപ് വ്യക്തമാക്കി. ഇറാന്റെ കൈവശം ആണവായുധം ഉണ്ടായിരുന്നെങ്കിൽ അവരത് ഉപയോഗിക്കുമായിരുന്നുവെന്നും അദ്ദേഹം കൂട്ടിച്ചേർത്തു, ഇറാന്റെ ആണവകേന്ദ്രം ദശലക്ഷകണക്കിന് ടൺ പാറകൾക്കും മണ്ണിനും അടിയിലാണ്….
മോസ്കോ: റഷ്യയുടെ കിഴക്കൻ തീരമേഖലയിലുള്ള കാംചാത്ക ഉപദ്വീപിൽ അതിശക്തമായ ഭൂചലനം. റിക്ടർ സ്കെയിലിൽ 7.0 തീവ്രത രേഖപ്പെടുത്തിയ ഭൂകമ്പമാണ് ഉണ്ടായതെന്ന് യൂറോപ്യൻ-മെഡിറ്ററേനിയൻ സീസ്മോളജിക്കൽ സെന്റർ അറിയിച്ചു. പ്രാദേശിക സമയം ഉച്ചകഴിഞ്ഞ് 3.35-ഓടെയാണ് ഭൂചലനമുണ്ടായത്. ഭൂമിക്കടിയിൽ ഏകദേശം 140 കിലോമീറ്റർ ആഴത്തിലാണ് പ്രഭവകേന്ദ്രമെന്നും അധികൃതർ വ്യക്തമാക്കി.
ഒറിഗൺ: അമേരിക്കയിൽ സ്‌കൂളിലുണ്ടായ വെടിവയ്‌പ്പിൽ മൂന്ന് കുട്ടികളടക്കം നാലുപേർ മരിച്ചു. വടക്കുപടിഞ്ഞാറൻ സംസ്ഥാനമായ ഒറിഗണിലാണ് സംഭവം. എലിമെന്ററി സ്‌കൂളിലെ 5,8, 11 വയസുകളുള്ള മൂന്ന് കുട്ടികൾക്കും ഒരു അദ്ധ്യാപകനുമാണ് സംഭവത്തിൽ ജീവൻ നഷ്‌ടമായത്. അക്രമി ഒരു 16കാരനാണെന്നാണ് വിവരം. ഇയാളെ എതിരിടാനെത്തിയ ഒരാൾ വെടിവച്ചുകൊന്നതായാണ് സ്ഥിരീകരണം ലഭിച്ചിരിക്കുന്നത്. പ്രാദേശിക സമയം വ്യാഴാഴ്‌ച വൈകിട്ട് 5.30ന് (ഇന്ത്യൻ സമയം ഇന്ന്‌ പുലർച്ചെ 6 മണി) ആണ് സംഭവം. സിൽവർ റെയിൽ എലിമെന്ററി സ്‌കൂളിൽ ഷോട്‌ഗണുമായി എത്തിയ ഒരാൾ കാറിനുനേരെ…
റിയാദ്: സൗദി അറേബ്യയിലെ മക്ക പള്ളിക്കുള്ളിൽ അധാർമിക പ്രവൃത്തി നടത്തിയെന്ന കുറ്റത്തിന് പ്രവാസികളായ രണ്ടുപേരെ വധശിക്ഷയ്ക്ക് വിധേയരാക്കി. ബംഗ്ലാദേശ് പൗരന്മാരായ നസെറുൽ ഇസ്ലാം അബ്ദുൽ ബാസിർ, സിതി അക്തർ എന്നിവരെയാണ് സൗദി അധികൃതർ വധിച്ചത്. എന്നാൽ വധശിക്ഷ നടപ്പാക്കുന്നതിന് മുമ്പ് അധികൃതർ അറിയിപ്പ് നൽകിയില്ലെന്ന് ജിദ്ദയിലെ ബംഗ്ലാദേശ് കോൺസുലേറ്റ് അറിയിച്ചു. ബംഗ്ലാദേശിലെ പ്രമുഖ ദിനപത്രമായ ദ ഡെയ്‌ലി സ്റ്റാാറാണ് സംഭവം റിപ്പോർട്ട് ചെയ്തത്. ഇന്നലെ സൗദി ആഭ്യന്തര മന്ത്രാലയം പുറത്തിറക്കിയ പ്രസ്താവനയിലാണ് വധശിക്ഷ സംബന്ധിച്ച വിവരം. സംഭവത്തിൽ…
ചിക്കാഗോ: ചിക്കാഗോ സർവ്വകലാശാലയ്ക്ക് സമീപം നടന്ന ഒരു ഫ്രറ്റേണിറ്റി പാർട്ടിയിൽ വച്ച് 21-കാരിയായ യുവതി ലൈംഗിക അതിക്രമത്തിന് ഇരയായതായി പരാതി. വസ്ത്രങ്ങൾ അഴിച്ചുമാറ്റപ്പെട്ട നിലയിലും ഒരു വ്യക്തി കൈകൾ പിടിച്ചുവെച്ചിരിക്കുന്ന അവസ്ഥയിലും പൂട്ടിയിട്ട ബാത്ത്റൂമിനുള്ളിൽ നിന്നാണ് കൂട്ടുകാരി ഇവരെ കണ്ടെത്തിയത്. ദി ന്യൂയോർക്ക് ടൈംസ് പുറത്തുവിട്ട റിപ്പോർട്ടിലാണ് ഈ വിവരങ്ങളുള്ളത്.
ബെർലിൻ : ജർമ്മനിയിലെ ബോച്ചുമിൽ അപ്പാർട്ട്മെന്റിന് തീപിടിച്ച് മൂന്നു മലയാളികൾ മരിച്ച സംഭവ കൊലപാതകമെന്ന് സ്ഥിരീകരിച്ചു. അപ്പാർട്ട്മെന്റിന് തീപിടിച്ച് വിഷപ്പുക ശ്വസിച്ച് കൊല്ലം ചെമ്മക്കാട് സ്വദേശി അഞ്ജലി ഷീല ജോയ് )(25), ഇടുക്കി കട്ടപ്പന സ്വദേശി നോവ സാബു (25), കാലടി സ്വദേശി സ്വിൻ ജോണി (26) എന്നിവരാണ് മരിച്ചത്. സംഭവത്തിൽ കെട്ടിടത്തിൽ താമസിച്ചിരുന്ന 41കാരനായ റൊമാനിയൻ പൗരനെ ജർമ്മൻ പൊലീസ് കൊലപാതക കുറ്റം ചുമത്തി അറസ്റ്റ് ചെയ്തു. ഇയാൾ ബോധപൂർവ്വം തീയിട്ടതാണെന്ന് പൊലീസ് കണ്ടെത്തി. ചൊവ്വാഴ്ച…
വാഷിംഗ്ടൺ: ചിക്കാഗോയിലെ ഇല്ലിനോയിയിലുള്ള ടാക്കോ ബെല്ലിലെ 19-കാരനായ കാഷ്യർ കൂട്ടക്കുരുതിക്ക് ലക്ഷ്യമിട്ട കഴിഞ്ഞ ഞായറാഴ്ച "ഒരു പ്രത്യേക ദിവസം" ആണെന്നാണ് പറഞ്ഞത്. അലക്സാണ്ട്രോസ് പാപോരാക്കിസ് എന്ന ഈ യുവാവ്, 'ഇന്ത്യക്കാരെ' ലക്ഷ്യമിട്ട് കൂട്ടക്കൊല നടത്താനുള്ള പദ്ധതി വിവരിക്കുന്ന ഒരു രേഖയും തന്റെ ആയുധ സാമഗ്രികളുടെ ചിത്രങ്ങളും സഹപ്രവർത്തകരുമായി പങ്കുവെച്ചു. രേഖയിൽ ഇന്ത്യക്കാരടക്കമുള്ള വിദേശികളെ "മനുഷ്യത്വരഹിതർ" എന്ന് വിശേഷിപ്പിച്ചിട്ടുണ്ട്.
ഇറാനെതിരെയുള്ള സൈനികനീക്കങ്ങളുടെ ഭാഗമായി അമേരിക്ക പുതിയ ആക്രമണ പദ്ധതികൾ തയ്യാറാക്കിയെന്ന റിപ്പോർട്ടുകൾക്കിടെ ചർച്ചയാവുകയാണ് 'മദർ ഒഫ് ഓൾ ബോംബ്‌സ്' എന്ന പേര്. ലോകത്തിലെ ഏറ്റവും ശക്തിയേറിയ ആണവേതര ബോംബുകളിലൊന്നായ 'മദർ ഒഫ് ഓൾ ബോംബ്‌സ്' ഇറാന്റെ ഊർജ അടിസ്ഥാന സൗകര്യങ്ങൾക്കും ആണവകേന്ദ്രങ്ങൾക്കും നേരെ പ്രയോഗിക്കുന്നത് അമേരിക്കയുടെ പദ്ധതികളിൽ ഉൾപ്പെടുന്നതായാണ് റിപ്പോർട്ടുകൾ. അമേരിക്കൻ പ്രസിഡന്റ് ഡൊണാൾഡ് ട്രംപ് ഇറാനെതിരായ സൈനിക നടപടികൾ പുനരാരംഭിക്കാൻ ഉത്തരവിട്ടാൽ ഈ ബോംബ് ഉപയോഗിക്കുമെന്നാണ് സൂചന. എന്നാൽ, ആക്രമണത്തിന് അന്തിമ അനുമതി നൽകിയിട്ടില്ലെന്നാണ് വിവരം….
