ന്യൂയോര്‍ക്ക്: റഷ്യയുമായി വലിയ പോരാട്ടം നടത്തുമ്പോള്‍ വെടിനിര്‍ത്തലിന് ഇന്ത്യയുടെ സഹായം തേടി ഉക്രെയ്ന്‍. ഇന്ത്യ ഇരുരാജ്യങ്ങളുമായും ഉള്ള നയതന്ത്ര ഇടപെടലുകള്‍ ശക്തമാക്കി. അബുദാബിയില്‍ കീവ്, മോസ്‌കോ, വാഷിംഗ്ടണ്‍ എന്നിവര്‍ തമ്മില്‍ നടക്കാനിരിക്കുന്ന ത്രികക്ഷി ചര്‍ച്ചകള്‍ക്ക് മുന്നോടിയായാണ് ഈ നീക്കം. തിങ്കളാഴ്ച യുക്രെയ്ന്‍ പ്രസിഡന്റ് വൊളോഡിമിര്‍ സെലെന്‍സ്‌കി പ്രധാനമന്ത്രി നരേന്ദ്ര മോദിയുമായി സംസാരിച്ചപ്പോള്‍, വിദേശകാര്യ മന്ത്രി എസ്. ജയശങ്കര്‍ റഷ്യന്‍ വിദേശകാര്യ മന്ത്രി സെര്‍ജി ലാവ്റോവുമായി ചര്‍ച്ച നടത്തി.
യുക്രെയ്ന്‍ സംഘര്‍ഷവും നിലവിലുള്ള നയതന്ത്ര നടപടികളുമാണ് ചര്‍ച്ചയില്‍ പ്രധാനമായും വിഷയം ആയത്. സെപ്റ്റംബറില്‍ ബിഷ്‌കെകില്‍ വെച്ച് റഷ്യന്‍ പ്രസിഡന്റ് വ്ളാഡിമിര്‍ പുടിനുമായുള്ള കൂടിക്കാഴ്ചയില്‍, പ്രധാനമന്ത്രി മോദി സംഘര്‍ഷം ഉടനടി അവസാനിപ്പിക്കാന്‍ ആഹ്വാനം ചെയ്യുകയും റഷ്യന്‍ നേതാവിനോട് അഭ്യര്‍ത്ഥിക്കുകയും ചെയ്തിരുന്നു. ഏകദേശം ഒരു മാസം മുമ്പ്, ഒരുപക്ഷേ വെടിനിര്‍ത്തലിനായി ഇന്ത്യ ഉള്‍പ്പെടെ നാല് രാജ്യങ്ങളില്‍ നിന്ന് പ്രത്യേക നിര്‍ദ്ദേശങ്ങള്‍ ലഭിച്ചിട്ടുണ്ടെന്ന് യുക്രെയ്ന്‍ വിദേശകാര്യ മന്ത്രി ആന്‍ഡ്രി സിബിഹ പറഞ്ഞത്.
തിങ്കളാഴ്ച നടന്ന ഫോണ്‍ സംഭാഷണത്തില്‍, സംഘര്‍ഷത്തിന്റെ സമാധാനപരമായ പരിഹാരത്തിനായുള്ള എല്ലാ ശ്രമങ്ങളിലും സംഭാവന നല്‍കാന്‍ ഇന്ത്യ തയ്യാറാണെന്ന് പ്രധാനമന്ത്രി മോദി യുക്രെയ്ന്‍ പ്രസിഡന്റിനെ അറിയിച്ചിരുന്നു. ഇന്ത്യയുടെ മനുഷ്യ കേന്ദ്രീകൃത സമീപനം വീണ്ടും ഉറപ്പിച്ച പ്രധാനമന്ത്രി, ചര്‍ച്ചയിലൂടെയും നയതന്ത്രത്തിലൂടെയും മാത്രമേ സംഘര്‍ഷത്തിന് പരിഹാരം കാണാനാകൂ എന്ന ഇന്ത്യയുടെ സ്ഥിരമായ നിലപാടും ആവര്‍ത്തിച്ചു. ഏറ്റവും പുതിയ നയതന്ത്ര സംഭവവികാസങ്ങളെക്കുറിച്ച് താന്‍ പ്രധാനമന്ത്രിയെ അറിയിച്ചതായി സെലെന്‍സ്‌കി പറഞ്ഞു.
മറുവശത്ത് റഷ്യയുടെ ലാവ്റോവുമായി ജയശങ്കര്‍ ചര്‍ച്ച നടത്തി യുക്രെയ്ന്‍ സംഘര്‍ഷത്തിലും നിലവിലുള്ള നയതന്ത്ര നടപടികളിലും ശ്രദ്ധ കേന്ദ്രീകരിച്ചുകൊണ്ട് റഷ്യന്‍ വിദേശകാര്യ മന്ത്രി സെര്‍ജി ലാവ്റോവുമായി സംസാരിച്ചതായി തിങ്കളാഴ്ച വിദേശകാര്യ മന്ത്രി എസ്. ജയശങ്കര്‍ പറഞ്ഞു. നേരത്തെ, യുക്രെയ്ന്‍ സംഘര്‍ഷം പരിഹരിക്കുന്നതിനായി കീവുമായും മോസ്‌കോയുമായും ചര്‍ച്ചകള്‍ നടത്തി, ശ്രമങ്ങള്‍ ശക്തമാക്കിയിട്ടുണ്ടെന്ന് വിദേശകാര്യ മന്ത്രി എസ്. ജയശങ്കര്‍ സ്ഥിരീകരിച്ചിരുന്നു. യുക്രെയ്‌നില്‍ സമാധാനം കൊണ്ടുവരാന്‍ തങ്ങള്‍ക്ക് കഴിയുന്നതെല്ലാം ചെയ്യാന്‍ ഇന്ത്യ തയ്യാറാണെന്ന് വ്യക്തമാക്കി അദ്ദേഹം കീവ് സന്ദര്‍ശിക്കുകയും ചെയ്തിരുന്നു.
ഫെബ്രുവരിക്ക് ശേഷം ആദ്യമായി, അഞ്ച് വര്‍ഷത്തോട് അടുക്കുന്ന യുദ്ധം അവസാനിപ്പിക്കുന്നതിനെക്കുറിച്ച് ചര്‍ച്ച ചെയ്യാന്‍ റഷ്യന്‍, യുക്രെയ്ന്‍, യു.എസ് പ്രതിനിധികള്‍ അബുദാബിയില്‍ യോഗം ചേരാന്‍ നിശ്ചയിച്ചിരിക്കുന്നു. സുരക്ഷാ ഉറപ്പുകള്‍ക്കാണ് യോഗത്തില്‍ മുന്‍ഗണന നല്‍കുന്നത്.
എങ്കിലും, റഷ്യയുടെയും യുക്രെയ്‌നിന്റെയും ആവശ്യങ്ങളില്‍ വലിയ വ്യത്യാസങ്ങളുണ്ട്. 2022 സെപ്റ്റംബറില്‍ മോസ്‌കോ പിടിച്ചെടുത്തെങ്കിലും പൂര്‍ണ്ണമായി കൈവശപ്പെടുത്താത്ത നാല് പ്രദേശങ്ങളില്‍ നിന്ന് യുക്രെയ്ന്‍ സൈന്യത്തെ പിന്‍വലിക്കണമെന്നും നാറ്റോയില്‍ ചേരാനുള്ള ശ്രമം ഉപേക്ഷിക്കണമെന്നുമാണ് റഷ്യന്‍ പ്രസിഡന്റ് വ്ളാഡിമിര്‍ പുടിന്‍ ആവശ്യപ്പെടുന്നത്. എന്നാല്‍ പ്രദേശം വിട്ടുകൊടുക്കണമെന്ന ആവശ്യം സെലെന്‍സ്‌കി തള്ളിക്കളഞ്ഞു. നാറ്റോയുടെ ആര്‍ട്ടിക്കിള്‍ 5-ന് സമാനമായ സുരക്ഷാ ഉറപ്പുകളാണ് യുക്രെയ്ന്‍ തേടുന്നത്.
