കൊല്ലം: കൊട്ടാരക്കരയിൽ ശബരിമല ദർശനം കഴിഞ്ഞ് മടങ്ങിയ കുടുംബത്തിന് നേരെ നാലംഗ സംഘത്തിന്റെ ആക്രമണം. കാക്കത്താനം സ്വദേശി ശരത് കുമാറിനും കുടുംബത്തിനുമാണ് ഇന്നലെ രാത്രി മർദനമേറ്റത്. ശരത്തും കുട്ടികളുമടക്കം എട്ടുപേർ സഞ്ചരിച്ചിരുന്ന വാഹനത്തിൽ അക്രമികളുടെ വാഹനം ഇടിച്ചതോടെയാണ് തർക്കമുണ്ടായത്. ഇത് ചോദ്യം ചെയ്തതോടെ കുടുംബത്തെ സംഘം മർദിക്കുകയായിരുന്നു. കൈക്കുഞ്ഞടക്കം കുടുംബത്തിലെ എട്ടുപേരാണ് വാഹനത്തിലുണ്ടായിരുന്നത്.
ശബരിമല ദർശനം കഴിഞ്ഞ് മടങ്ങിയ കുടുംബത്തിന് നേരെ ആക്രമണം; കൈക്കുഞ്ഞടക്കം എട്ട് പേരെ മർദിച്ചു, നാലുപേർ കസ്റ്റഡിയിൽ
