തിരുവനന്തപുരം: തലസ്ഥാനത്ത എസ്എഫ്‌ഐ സംഘർഷ വിവാദത്തിനിടെ കന്റോൺമെന്റ് പൊലീസിൽ അപ്രതീക്ഷിത മാറ്റം. എസ്എഫ്‌ഐ നേതാക്കളുമായി പരസ്യപോരിലേർപ്പെട്ട കന്റോൺമെന്റ് സിഐ സതീഷ് കുമാർ അവധിയിൽ പ്രവേശിച്ചു. എസ്‌ഐ ജി ഗോകുൽ ഗോപാലിനെ പരിശീലനത്തിനായി അയച്ചു. നേരത്തെ സിറ്റി പൊലീസ് കമ്മിഷണർ ഇരുവരെയും നേരിട്ട് വിളിച്ചുവരുത്തി വിശദീകരണം തേടിയിരുന്നു. പിന്നാലെയാണ് മാറ്റം.
എസ്എച്ച്ഒ സതീഷ് ഒരു ദിവസത്തെ അവധിയിൽ പ്രവേശിച്ചെന്നാണ് കമ്മിഷണറുടെ വിശദീകരണം. എസ് ഐ ഗോകുലിനെ പോക്‌സോ ട്രെയിനിംഗിന് അയച്ചതാണെന്നും കമ്മീഷണർ വിവരിച്ചു. മുൻപ് എസ് എച്ച് ഒയുടെ ചുമതല വഹിച്ചിരുന്ന നാർക്കോട്ടിക് സി ഐ ഷാഫിക്കാണ് താൽക്കാലിക ചുമതല.
