കൊച്ചി: മാസപ്പടി കേസിൽ പിണറായി വിജയൻ, മുഹമ്മദ് റിയാസ്, വീണ വിജയൻ എന്നിവർക്കെതിരെ എഫ്ഐആർ രജിസ്റ്റർ ചെയ്യണമെന്ന ഹർജിയിൽ ഹൈക്കോടതി നാളെ വിധി പറയും. ജസ്റ്റിസ് എ. ബദറുദ്ദീന്റെ ബെഞ്ചാണ് വിധി പറയുന്നത്. പൊതുപ്രവർത്തകൻ കെ.എം. ഷാജഹാനാണ് ഹർജി നൽകിയത്.
എഫ്ഐആർ രജിസ്റ്റർ ചെയ്ത് അന്വേഷണം വേണമെന്നാണ് എൻഫോഴ്സ്മെന്റ് ഡയറക്ടറേറ്റിന്റെ നിലപാട്. അതേസമയം, ആദ്യം പ്രാഥമിക അന്വേഷണം നടത്താമെന്നാണ് സർക്കാരിന്റെ നിലപാട്. എഫ്ഐആർ രജിസ്റ്റർ ചെയ്യാത്തതിനെതിരെ നൽകിയ ഹർജി പരിഗണിക്കവെ അന്വേഷണം വൈകുന്നതിൽ ഹൈക്കോടതി നേരത്തെ ചോദ്യമുന്നയിച്ചിരുന്നു.
ഇതിനിടെ, ഇഡി റിപ്പോർട്ടിന്റെ അടിസ്ഥാനത്തിൽ പിണറായി വിജയൻ, മുഹമ്മദ് റിയാസ്, വീണ വിജയൻ എന്നിവർക്കെതിരെ ക്രൈംബ്രാഞ്ചിന്റെ നേതൃത്വത്തിൽ പ്രത്യേക അന്വേഷണ സംഘത്തെ സർക്കാർ നിയോഗിച്ചിട്ടുണ്ട്.
പിണറായിക്ക് പ്രതിരോധം തീർക്കാൻ പാർട്ടി
മാസപ്പടി കേസിൽ അന്വേഷണം പുരോഗമിക്കുന്നതിനിടെ പിണറായി വിജയന് പിന്തുണയുമായി ദേശീയതലത്തിലെ പ്രതിപക്ഷ പാർട്ടി നേതാക്കളെ പങ്കെടുപ്പിച്ച് കേരളത്തിൽ പ്രക്ഷോഭ പരിപാടികൾ സംഘടിപ്പിക്കാനും സിപിഎം തീരുമാനിച്ചതായാണ് റിപ്പോർട്ട്.
