തൃശൂർ: ചാലക്കുടി പോട്ടയിൽ സ്കൂൾ ബസ് കനാലിലേയ്ക്ക് വീണു. ആളൂർ സെന്റ് ജോസഫ് സ്കൂളിലെ ബസാണ് അപകടത്തിൽപ്പെട്ടത്. സ്കൂൾ വിട്ടതിനുശേഷം കുട്ടികളെ വീട്ടിലേയ്ക്ക് കൊണ്ടുപോവുകയായിരുന്നു. ബസിലുണ്ടായിരുന്ന പത്ത് കുട്ടികൾക്ക് പരിക്കേറ്റതായി വിവരമുണ്ട്.
പരിക്കേറ്റ കുട്ടികളെ ചാലക്കുടിയിലെ സ്വകാര്യ ആശുപത്രിയിൽ പ്രവേശിപ്പിച്ചു. ആരുടെയും പരിക്ക് ഗുരുതരമല്ലെന്നാണ് പ്രാഥമിക നിഗമനം. ബസ് നിയന്ത്രണംവിട്ട് പോട്ട വാഴക്കുന്ന് കനാലിലേയ്ക്ക് വീഴുകയായിരുന്നു. പൊലീസും ഫയർഫോഴ്സും സ്ഥലത്തെത്തിയിട്ടുണ്ട്.
