ലഖ്നൗവില്‍ കോച്ചിങ് സെന്ററിലെ തീപ്പിടിത്തത്തില്‍ 14 മരണം; കെട്ടിടത്തില്‍നിന്ന് ചാടി വിദ്യാര്‍ഥികള്‍
ലഖ്നൗ: ഉത്തര്‍പ്രദേശിലെ ലഖ്നൗവിലെ അലിഗഞ്ച് പ്രദേശത്തുള്ള കോച്ചിങ് സെന്ററിലുണ്ടായ വന്‍ തീപ്പിടിത്തത്തില്‍ 14 പേര്‍ക്ക് ദാരുണാന്ത്യം. കെട്ടിടത്തിന്റെ ഒന്നാംനിലയില്‍ പ്രവര്‍ത്തിച്ചിരുന്ന കോച്ചിങ് സെന്ററിലാണ് തീപ്പിടിത്തമുണ്ടായത്. മൂന്ന് നിലകളുള്ള ഈ കെട്ടിടത്തിന്റെ മുകള്‍ നിലയില്‍ തീപ്പിടിക്കുകയും അത് താഴേക്ക് പടരുകയായിരുന്നുവെന്ന് ദൃക്സാക്ഷികള്‍ പറഞ്ഞു. രക്ഷപ്പെടാനുള്ള ശ്രമത്തിനിടയില്‍ ഏഴ് വിദ്യാര്‍ഥികള്‍ ഒന്നാം നിലയില്‍നിന്ന് താഴേക്ക് ചാടിയതായി ദൃക്സാക്ഷികള്‍ വെളിപ്പെടുത്തി. കെട്ടിടത്തിന്റെ തകര്‍ന്ന ജനല്‍ വഴി പുറത്തുകടക്കാന്‍ ശ്രമിച്ച ഒരു യുവാവ് നിയന്ത്രണം വിട്ട് താഴെയുള്ള വേലിയിലേക്ക് വീഴുന്ന ദൃശ്യങ്ങള്‍…
