സൗജന്യ യാത്ര: പൊന്മുടി കെഎസ്ആർടിസി ബസിൽ വൻതിരക്ക്; വൻ ദുരന്തം ഒഴിവായത് തലനാരിഴയ്ക്ക്
വിതുര ∙ പൊന്മുടിയിൽ നിന്നു ഹെയർപിൻ വളവുകൾ ഇറങ്ങുന്ന കെഎസ്ആർടിസി ബസുകളിൽ യാത്രക്കാരെ പരിമിതപ്പെടുത്തണം എന്ന് ആവശ്യം. ശനിയാഴ്ച വൈകിട്ട് തിരുവനന്തപുരത്തേക്ക് വരികയായിരുന്ന പ്രിയദർശിനി ബസ് ബ്രേക്ക് നഷ്ടപ്പെട്ട് ആറാം വളവിൽ നിയന്ത്രണം വിട്ടിരുന്നു. ഡ്രൈവർ അതി സാഹസികമായി റോഡിനോട് ചേർന്ന കോൺക്രീറ്റ് ഭിത്തിയിൽ ഇടിച്ച് നിർത്തിയാണ് വൻ ദുരന്തം ഒഴിവാക്കിയത്. 35 സീറ്റുകൾ ഉള്ള ബസിൽ 80 യാത്രക്കാരിൽ അധികം ഉണ്ടായിരുന്നത് ദുരന്തസാധ്യത സൃഷ്ടിച്ചിരുന്നു. പൊന്മുടി റൂട്ടിലെ കൊടും വളവുകളിലൂടെ ഇത്തരത്തിൽ ഇറങ്ങി വരുന്ന ബസുകൾ…
