നീറ്റ് പരീക്ഷാ ക്രമക്കേട്: മുംബയിൽ നിരോധനാജ്ഞ ലംഘിച്ച് പ്രതിഷേധം, ഒത്തുകൂടി പതിനായിരങ്ങൾ
മുംബയ്: നീറ്റ്-യുജി ചോദ്യപേപ്പർ ചോർച്ചയിൽ മുംബയിൽ നിരോധനാജ്ഞ ലംഘിച്ച് പ്രതിഷേധം. ദാദറിലെ ശിവാജി പാർക്കിന് അകത്തും പുറത്തും വിദ്യാർത്ഥികളും യുവാക്കളുമടക്കം പതിനായിരങ്ങളാണ് പ്രതിഷേധറാലിയിൽ അണിനിരക്കുന്നത്. പോസ്റ്ററുകളും പ്ലക്കാർഡുകളുമായെത്തിയവർ മുദ്രാവാക്യം വിളിച്ചും ദേശീയപതാകയുയർത്തിയും പ്രതിഷേധം തുടരുകയാണ്. പ്രതിപക്ഷ പാർട്ടികളടക്കം ഈ റാലിയിലേയ്ക്കെത്തുന്നുവെന്നാണ് വിവരം. അഞ്ചുപേരിൽ കൂടുതൽപേർ പൊതുസ്ഥലത്ത് ഒത്തുകൂടാൻ പാടില്ലെന്ന നിയമം ലംഘിച്ചാണ് പ്രതിഷേധം. കഴിഞ്ഞ രണ്ടുദിവസമായി നടന്ന പ്രതിഷേധങ്ങളെ തുടർന്ന് മുംബയിൽ ഇന്നലെ നിരോധനാജ്ഞ പ്രഖ്യാപിച്ചിരുന്നു. പതിനഞ്ചുദിവസത്തേയ്ക്കാണ് നിരോധനാജ്ഞ പ്രഖ്യാപിച്ചത്. പ്രതിപക്ഷ പാർട്ടികൾ അടക്കം പ്രതിഷേധത്തിൽ പങ്കെടുത്തിരുന്നു….
