Keralapranamam

കൊടുങ്ങല്ലൂർ: ദിവസേന നൂറുകണക്കിന് വാഹനങ്ങളും ജനങ്ങളും കടന്നുപോകുന്ന കീഴ്ത്തളി ജംഗ്ഷൻ ശാസ്ത്രീയമായ ഗതാഗത നിയന്ത്രണ സംവിധാനങ്ങളില്ലാതെ ശ്വാസംമുട്ടുന്നു. വാഹനത്തിരക്കും സിഗ്‌നൽ സംവിധാനങ്ങളുടെ അഭാവവും മൂലം ഗതാഗതക്കുരുക്ക് രൂക്ഷമാണ്. സ്‌കൂൾ-കോളേജ് വിദ്യാർത്ഥികളും മുതിർന്നവരുമടക്കമുള്ള കാൽനടയാത്രക്കാർ ഭീതിയോടെയാണ് ഈ ഭാഗത്ത് റോഡ് മുറിച്ചുകടക്കുന്നത്. മിനി സിവിൽ സ്റ്റേഷൻ, അക്ഷയ കേന്ദ്രം, ആശുപത്രി, പ്രമുഖ ക്ഷേത്രങ്ങൾ എന്നിവ സ്ഥിതി ചെയ്യുന്നതിനാൽ താലൂക്കിലെ തന്നെ ഏറ്റവും തിരക്കേറിയ കേന്ദ്രങ്ങളിലൊന്നാണ് കീഴ്ത്തളി ജംഗ്ഷൻ. വിവിധ ഭാഗങ്ങളിൽ നിന്നുള്ള രണ്ട് പ്രധാന റോഡുകൾ ചേരുന്ന ഈ…

ചെറുതുരുത്തി: കേരള കലാമണ്ഡലത്തിലെ താത്കാലിക അദ്ധ്യാപക നിയമനവുമായി ബന്ധപ്പെട്ട് കോൺഗ്രസ് പ്രവർത്തകരും വിദ്യാർത്ഥികളും തമ്മിൽ രൂക്ഷമായ തർക്കവും വാക്കേറ്റവും. സർക്കാർ മാറുന്നതിനനുസരിച്ച് കലാമണ്ഡത്തിന്റെ പ്രവർത്തനശൈലിയും മാറുന്ന രീതി എല്ലാകാലങ്ങളിലും നിലനിൽക്കുന്നുണ്ട്. എന്നാൽ പുതിയ സർക്കാർ വന്നിട്ടും കലാമണ്ഡത്തിന്റെ ഭരണസമിതി മാറാത്തതിലുള്ള പ്രതിഷേധമാണ് ഏതാനും ദിവസങ്ങളായി നടന്നുകൊണ്ടിരിക്കുന്നത്. കലാമണ്ഡലം ഭരണസമിതിയുടെ തീരുമാനങ്ങളെ അടിമുടി എതിർക്കുകയാണ് കോൺഗ്രസ്. കഴിഞ്ഞ 10 വർഷക്കാലം കലാമണ്ഡലത്തിൽ താത്കാലികമായി നിയമിച്ചതെല്ലാം ഇടതുപക്ഷ അനുകൂല സംഘടനയുടെ ആളുകളാണെന്നും ഭരണം മാറിയതോടെ അത്തരം ആളുകളെ ഇനി നിയമിക്കാൻ കഴിയില്ലെന്ന താക്കീതുമായാണ്…

തൃശൂർ: ശ്രീവടക്കുന്നാഥ ക്ഷേത്രത്തിൽ 17ന് നടക്കുന്ന ആനയൂട്ടിന്റെയും അഷ്ടദ്രവ്യ മഹാഗണപതി ഹോമത്തിന്റെയും പന്തൽ കാൽനാട്ട് കർമ്മം കൊച്ചിൻ ദേവസ്വം ബോർഡ് പ്രസിഡന്റ് കെ.രവീന്ദ്രൻ ഉദ്ഘാടനം ചെയ്തു. ക്ഷേത്രം തന്ത്രി ശങ്കരനാരായണൻ നമ്പൂതിരിപ്പാട് മുഖ്യകാർമ്മികത്വം വഹിച്ചു. തൃശൂർ ഗ്രൂപ്പ് അസി.കമ്മിഷണർ എം.മനോജ് കുമാർ, വടക്കുന്നാഥൻ ദേവസ്വം മാനേജർ ലക്ഷ്മി കെ.പ്രകാശ്, മേൽശാന്തി പയ്യപ്പിള്ളി മാധവൻ,സതീഷ് എന്നിവർ പങ്കെടുത്തു. ക്ഷേത്രം ഉപദേശക സമിതി പ്രസിഡന്റ് സുരേഷ് കുന്നത്ത്, സെക്രട്ടറി കെ.എ.മനോജ് കുമാർ, ജോയിന്റ് സെക്രട്ടറി ഉഷാനന്ദിനി,ഉപദേശക സമിതി അംഗങ്ങളായ പി.വി.രാധാകൃഷ്ണൻ,…

തൃശൂർ: കർക്കടകത്തിലെ നാലമ്പല തീർത്ഥാടനത്തിന് പ്രത്യേക പാക്കേജുകളുമായി കൊച്ചിൻ ദേവസ്വം ബോർഡ്. തൃപ്രയാർ ശ്രീരാമസ്വാമി ക്ഷേത്രം, തിരുവില്വാമല ശ്രീ വില്വാദ്രിനാഥ ക്ഷേത്രം എന്നിവിടങ്ങളിൽ ദർശനത്തിനെത്തുന്നവർക്ക് ക്രമീകരണങ്ങളും ഏർപ്പെടുത്തിയിട്ടുണ്ട്. തൃശൂർ,പാലക്കാട് ജില്ലകളിലെ നാലമ്പലങ്ങളെ ബന്ധിപ്പിച്ച് യാത്രാ സൗകര്യവും ബോർഡ് പ്രഖ്യാപിച്ചു.പ്രസിഡന്റ് കെ.രവീന്ദ്രൻ, സെക്രട്ടറി പി.ബിന്ദു, ഡെപ്യൂട്ടി കമ്മിഷണർ കെ.സുനിൽകുമാർ എന്നിവരുടെ നേതൃത്വത്തിലാണ് ഒരുക്കങ്ങൾ.തൃപ്രയാർ ക്ഷേത്രത്തിൽ കൂടുതൽ ഭക്തരെത്തുന്ന തൃപ്രയാർ ശ്രീരാമ ക്ഷേത്രത്തിലെ തിരക്ക് നിയന്ത്രിക്കാനും സുഗമദർശനത്തിനുമായി ക്യൂ നിൽക്കാൻ വലിയ പന്തലുകൾ നിർമ്മിച്ചു. ക്യൂ സിസ്റ്റത്തിൽ ഇരിപ്പിടവുമുണ്ട്. ചുക്കുകാപ്പിയും…