ന്യൂഡല്ഹി : ‘ഒരു രാജ്യം ഒരു തെരഞ്ഞെടുപ്പ്’ എന്ന ആശയം ഇന്ത്യന് യൂണിയനും സംസ്ഥാനങ്ങള്ക്കും നേരെയുള്ള ആക്രമണമാണെന്ന് കോണ്ഗ്രസ് നേതാവും എംപിയുമായ രാഹുല് ഗാന്ധി.ഇന്ത്യയെന്നാല് സംസ്ഥാനങ്ങളുടെ കൂട്ടായ്മയാണെന്നും രാഹുല് എക്സ് കുറിപ്പില് പറഞ്ഞു. ‘ഒരു രാജ്യം ഒരു തെരഞ്ഞെടുപ്പ്’ വിഷയം പഠിക്കാന് കേന്ദ്ര സര്ക്കാര് സമിതി രൂപീകരിച്ച സാഹചര്യത്തിലാണ് അദ്ദേഹത്തിന്റെ പ്രതികരണം.വിഷയം പഠിക്കാന് മുന് രാഷ്ട്രപതി രാംനാഥ് കോവിന്ദിന്റെ അധ്യക്ഷതയില് എട്ടംഗ സമിതിയെ നിയോഗിച്ചിട്ടുണ്ട്. കോണ്ഗ്രസിന്റെ പാര്ലിമെന്ററി പാര്ട്ടി നേതാവ് അധിര്രഞ്ജന് ചൗധരിയെയും കമ്മിറ്റിയില് ഉള്പ്പെടുത്തിയിട്ടുണ്ടെങ്കിലും അദ്ദേഹം ക്ഷണം നിരസിച്ചതായാണ് റിപ്പോര്ട്ടുകള്.കേന്ദ്ര ആഭ്യന്തര മന്ത്രി അമിത് ഷാ, മുന് പ്രതിപക്ഷ നേതാവ് ഗുലാം നബി ആസാദ്, പതിനഞ്ചാം ധനകാര്യ കമ്മീഷന് മുന് അധ്യക്ഷന് എന്.കെ. സിംഗ്, മുന് ലോക്സഭാ ജനറല് സെക്രട്ടറി സുബാഷ് കശ്യപ്, മുതിര്ന്ന അഭിഭാഷകന് ഹരീഷ് സാല്വെ, മുന് ചീഫ് വിജിലന്സ് കമ്മീഷണര് സഞ്ജയ് കോത്താരി തുടങ്ങിയവരും സമിതിയില് അംഗങ്ങളാണ്.
‘മൊന് ന്ത’ ചുഴലിക്കാറ്റ് വരുന്നു; കണ്ണൂര്, കാസര്കോട് ജില്ലകളില് ഇന്ന് യെലോ അലര്ട്ട്
തിരുവനന്തപുരം: സംസ്ഥാനത്ത് മഴ ശക്തമായി തുടരും. കണ്ണൂര്, കാസര്കോട് ജില്ലകളില് ഇന്ന് യെലോ…
