വാഷിംഗ്‌ടൺ: ഇറാനെതിരെയുള്ള ഉപരോധങ്ങൾ മറികടക്കാൻ സഹായിച്ച കമ്പനികൾക്കും വ്യക്തികൾക്കും മേൽ അമേരിക്ക ശക്തമായ പുതിയ ഉപരോധങ്ങൾ ഏർപ്പെടുത്തി. ഇത്തവണ ഇന്ത്യ, തുർക്കി എന്നിവിടങ്ങളിൽ പ്രവർത്തിക്കുന്ന സ്ഥാപനങ്ങൾക്കും വ്യക്തികൾക്കുമാണ് ഉപരോധം നേരിടേണ്ടി വന്നിരിക്കുന്നത്. "ഓപ്പറേഷൻ ഇക്കണോമിക് ഔട്ട്കാസ്റ്റ്" എന്ന പദ്ധതിയുടെ ഭാഗമായാണ് ഈ നടപടി.
മാപ്പുകൾ കാണുക
അമേരിക്കൻ കോൺഗ്രസിന്റെ ഇരുസഭകളിലും ഡെമോക്രാറ്റുകൾ വൻ വിജയം നേടിയ മിഡ്‌ടേം തിരഞ്ഞെടുപ്പ് ഫലത്തിന് തൊട്ടടുത്ത ദിവസമാണ് ട്രംപ് ഭരണകൂടത്തിലെ യുഎസ് ട്രഷറി ഡിപ്പാർട്ട്‌മെന്റ് ഈ നീക്കം നടത്തിയത്.
ചണ്ഡീഗഡ് കേന്ദ്രീകരിച്ച് പ്രവർത്തിക്കുന്ന സുനിൽ കുമാർ ശർമ്മ, ജസ്പ്രീത് പ്രീതി ഷാഹിദ് എന്നീ ഇന്ത്യൻ ദമ്പതിമാരും അവരുടെ രണ്ട് ബിസിനസ്സ് തലവന്മാരും അമേരിക്കൻ ഉപരോധപ്പട്ടികയിലായി. സുനിൽ കുമാർ ശർമ്മയുമായി ബന്ധമുള്ള ഒമ്പത് ബിസിനസ് സ്ഥാപനങ്ങൾക്കെതിരെയും നടപടിയെടുത്തു. ഇറാന്റെ സൈന്യത്തിനും പ്രതിനിധികൾക്കും വേണ്ടി പ്രവർത്തിക്കുന്ന കപ്പലുകൾക്ക് നിയമവിരുദ്ധമായി സർവീസുകൾ നടത്താൻ അവസരമൊരുക്കി എന്നതാണ് ഇന്ത്യൻ ദമ്പതിമാർക്കെതിരെയുള്ള പ്രധാന ആരോപണം.
മാപ്പുകൾ കാണുക
ഇറാനിയൻ വിമാനക്കമ്പനികൾക്ക് ഗ്രൗണ്ട് ഹാൻഡ്‌ലിംഗ് സേവനങ്ങൾ നൽകിയ തുർക്കി ആസ്ഥാനമായുള്ള ഫ്യൂഗോ ഗ്രൗണ്ട് സർവീസസ് കമ്പനിക്കെതിരെയും നടപടിയെടുത്തു. ഇറാൻ എയർ ടൂർ, സഹ എയർലൈൻസ്, തബാൻ, അറ്റ എയർലൈൻസ് തുടങ്ങിയ ഉപരോധത്തിലുള്ള ഇറാനിയൻ വിമാനങ്ങൾക്ക് സേവനങ്ങൾ നൽകിയതിനാണ് തുർക്കിയിലെ കമ്പനിയെ ഉപരോധിച്ചത്.
ഗയാന, ഈസ്വാറ്റിനി, ലാവോസ് തുടങ്ങിയ രാജ്യങ്ങളുടെ ഔദ്യോഗിക പ്രതിനിധികളാണെന്ന് വ്യാജമായി അവകാശപ്പെട്ട് ഇവർ കപ്പലുകൾക്ക് പതാകകളും വ്യാജ സർട്ടിഫിക്കറ്റുകളും നൽകി. ഈ രാജ്യങ്ങളുടെ പേരിൽ വെബ്‌സൈറ്റുകളും ഡൊമെയ്‌നുകളും ഉണ്ടാക്കി നാവികർക്കുള്ള പരിശീലനം, കപ്പൽ വർഗ്ഗീകരണം തുടങ്ങിയ സേവനങ്ങൾ നൽകുന്നുവെന്ന് തെറ്റിദ്ധരിപ്പിച്ചു. ഇത്തരം വ്യാജ രേഖകൾ ഉപയോഗിച്ച് സർവീസ് നടത്തുന്ന "നിഴൽ കപ്പലുകൾക്ക്" (ഷാഡോ ഫ്ലീറ്റ്) അന്താരാഷ്ട്ര സുരക്ഷാ മാനദണ്ഡങ്ങളോ അപകട ഇൻഷുറൻസോ ഉണ്ടാകാറില്ല. ഇത് സമുദ്ര പരിസ്ഥിതിക്കും അന്താരാഷ്ട്ര സുരക്ഷയ്ക്കും വലിയ ഭീഷണിയാണ്.
പുതിയ നീക്കങ്ങളോടെ ഇറാന്റെ എണ്ണവ്യാപാരത്തിൽ അമേരിക്ക കൂടുതൽ കർശനമായ ഉപരോധം ഉറപ്പാക്കുകയാണ്. ജൂലൈ 14-ന് പോർട്ടുകളുടെ ഉപരോധം പുനഃസ്ഥാപിച്ചതിനുശേഷം ഇറാന്റെ സാമ്പത്തിക മേഖലയെ അമേരിക്കൻ നടപടികൾ കാര്യമായി ബാധിച്ചിട്ടുണ്ട്.
