ആ പൊട്ടിത്തെറിയില് ലോഞ്ച്പാഡ് തകര്ന്നു, പുനര്നിര്മിക്കണം – വെളിപ്പെടുത്തി ബ്ലൂ ഒറിജിന്
മെയ് 28 നാണ് അമേരിക്കന് ബഹിരാകാശ സാങ്കേതിക വിദ്യാ കമ്പനിയായ ബ്ലൂ ഒറിജിന്റെ ന്യൂ ഗ്ലെന് റോക്കറ്റ് പരീക്ഷണത്തിനിടെ പൊട്ടിത്തെറിച്ചത്. ഫ്ലോറിഡയിലെ കേപ്പ് കനവറലിലിലെ ലോഞ്ച് കോംപ്ലക്സ് 36-ല് വിക്ഷേപണത്തിന് മുന്നോടിയായി നടത്തിയ സ്റ്റാറ്റിക് ഫയര് ടെസ്റ്റിനിടെയാണ് സ്ഫോടനം നടന്നത്. ആളപായമൊന്നുമുണ്ടായില്ല. എന്നാല് ലോഞ്ച് കോംപ്ലക്സിന് കാര്യമായ നാശനഷ്ടങ്ങളുണ്ടായി. ആര്ട്ടെമിസ് ദൗത്യങ്ങളുടെ ഭാഗമായി ഉപയോഗിക്കാനിരുന്ന റോക്കറ്റാണ് ന്യൂ ഗ്ലെന്. ആര്ട്ടെമിസ് 3 ദൗത്യവുമായി ബന്ധപ്പെട്ട സുപ്രധാന പ്രഖ്യാപനങ്ങള് നടക്കുന്നതിന് ദിവസങ്ങള്ക്ക് മുമ്പാണ് ഈ പൊട്ടിത്തെറിയുണ്ടായത് എന്നത് ശ്രദ്ധേയമാണ്….
