വീടിന്റെ മേൽക്കൂര തകർന്ന് മൂന്നുപേർക്ക് പരിക്ക്

കോന്നി: ചെങ്ങറ സമരഭൂമിയിൽ മഴയിൽ വീടിന്റെ മേൽക്കൂര തകർന്നുവീണ് മുന്നുപേർക്ക് പരിക്ക്. സമരഭൂമിയിലെ 46-ാo നമ്പർ ശാഖയിലെ അക്ഷയ ഭവനത്തിൽ അനിൽ കുമാറിന്റെ വീടാണ് വ്യാഴാഴ്ച പുലർച്ചെ 2 ന് തകർന്നുവീണത്. അനിൽ കുമാർ, ഭാര്യ മിനി, അയൽവാസി സരസമ്മ എന്നിവരുടെ തലയ്ക്ക് പരിക്കേറ്റു. ഇവരെ പത്തനംതിട്ട ജനറൽ ആശുപത്രിയിൽ പ്രവേശിപ്പിച്ചു. മേൽക്കൂരയുടെ ഉത്തരവും, കഴുക്കോലുകളും, പട്ടികയും, ഓടും തലയിലേക്ക് വീഴുകയായിരുന്നു.