കൊച്ചി: നടി അന്സിബ നല്കിയ പരാതിയില് നടന് ടിനി ടോമിന് മുന്കൂര് ജാമ്യം അനുവദിച്ച് കോടതി. എറണാകുളം പ്രിന്സിപ്പല് സെഷന്സ് കോടതിയാണ് ടിനി ടോമിന് മുന്കൂര് ജാമ്യം അനുവദിച്ചത്. കടവന്ത്ര പൊലീസ് രജിസ്റ്റര് ചെയ്ത കേസില് ടിനി ടോമിനെതിരെ സ്ത്രീത്വത്തെ അപമാനിക്കല്, വര്ഗീയമായി അധിക്ഷേപിക്കല് തുടങ്ങിയ വകുപ്പുകളിലാണ് എഫ്ഐആര് രജിസ്റ്റര് ചെയ്തത്. കഴിഞ്ഞ മാസം 30നാണ് അന്സിബയുടെ പരാതിയില് കേസെടുക്കാന് എറണാകുളം ജില്ല സെഷന്സ് കോടതി നിര്ദ്ദേശിച്ചത്. അന്സിബയ്ക്കെതിരെ നടത്തിയ വര്ഗീയ പരാമര്ശത്തില് കേസെടുക്കാനാണ് കോടതി നിര്ദ്ദേശിച്ചത്. സ്ത്രീത്വത്തെ അപമാനിക്കല് അടക്കമുള്ള പരാതികള് എല്ലാം അന്വേഷിക്കണമെന്നും കോടതി നിര്ദേശത്തിലുണ്ട്. അന്സിബയുടെ പരാതിയില് കേസെടുക്കാന് തെളിവ് ഇല്ലെന്നായിരുന്നു കടവന്ത്ര പൊലീസിന്റെ നിലപാട്.
ടിനിടോമിന് ആശ്വാസം , അന്സിബയുടെ പരാതിയില് മുന്കൂര് ജാമ്യം അനുവദിച്ച് കോടതി
