തിരുവനന്തപുരം: കോവളം കടൽത്തീരത്ത് കടൽച്ചൊറി എന്നറിയപ്പെടുന്ന ജെല്ലി മത്സ്യം വൻ തോതിൽ അടിയുന്നു. ഇന്നലെ കോവളത്തെ ലൈറ്റ് ഹൗസ്, ഹവ്വാ ബീച്ചുകളിൽ വയലറ്റ് നിറത്തിലുള്ള ഇവ വ്യാപകമായി അടിഞ്ഞു.
ഓണച്ചൊറി എന്ന നാടൻ പേരിൽ അറിയപ്പെടുന്ന ഇവ സാധാരണ ഓണം കഴിഞ്ഞോ ഓണ സീസണിലോ ആണ് അടിയാറുള്ളതെന്ന് നാട്ടുകാർ പറഞ്ഞു. തീരത്ത് അടിഞ്ഞ വയലറ്റ് നിറത്തിലുള്ളവ മനുഷ്യർക്ക് ഹാനികരമല്ല. ജെല്ലി മത്സ്യത്തിനൊപ്പം ചിലയിനം മത്സ്യങ്ങളും ചത്ത് കരയ്ക്കടിയുന്നതായി തീരത്ത് എത്തിയവർ പറഞ്ഞു.
