ഡല്ഹി: സിഎംആര്എല്- എക്സാലോജിക് കേസില് ഇ.ഡി. നടപടിയില് നിയമം നിയമത്തിന്റെ വഴിക്ക് പോകുമെന്ന് ആഭ്യന്തരമന്ത്രി രമേശ് ചെന്നിത്തല. വിഷയം ആഭ്യന്തര വകുപ്പിന് മുന്പാകെ വന്നിട്ടില്ലെന്നും പറഞ്ഞു. വീണാവിജയനെതിരേയുള്ള അന്വേഷണം രാഷ്ട്രീയ നീക്കമാണെന്ന് കരുതുന്നില്ലെന്നും വീണ രാഷ്ട്രീയക്കാരി അല്ലെന്നും കെ.പി.സി.സി. പ്രസിഡന്റ് സണ്ണി ജോസഫും പ്രതികരിച്ചു.
രാഷ്ട്രീയ വേട്ടയാണെന്ന് വ്യാഖ്യാനിക്കുന്നതില് കാര്യമില്ല. ഇക്കാര്യത്തില് രാഷ്ട്രീയ വിശദീകരണ യോഗത്തിന് അപ്പുറം ഒന്നും സിപിഐഎമ്മില് നിന്നും പ്രതീക്ഷിക്കേണ്ട. വീണ വിജയനെതിരെയുള്ള രേഖാമൂലമുള്ള കണ്ടെത്തലുകള് അതീവ ഗൗരവമുള്ളതാണ്. അന്വേഷണവുമായി സംസ്ഥാന സര്ക്കാരിന് ബന്ധമില്ല. നിയമം നിയമത്തിന്റെ വഴിക്ക് പോകട്ടെയെന്നും പറഞ്ഞു.
വീണ വിജയനെതിരായ ഇഡി അന്വേഷണം അതിന്റെ വഴിക്ക് നടക്കട്ടെയെന്ന് മന്ത്രി കെ മുരളീധരനും പ്രതികരിച്ചു. ഇ.ഡിയുടെ അന്വേഷണത്തില് സര്ക്കാര് എന്ത് ഇടപെടല് നടത്താനാണെന്നും ചോദിച്ചു. ഇഡിയുടെ അന്വേഷണത്തില് പ്രത്യേകിച്ച് അഭിപ്രായം പറയുന്നില്ല. കോണ്ഗ്രസ് മന്ത്രിമാരെയും ജനപ്രതിനിധികളെയും ഇഡി ലക്ഷ്യം വച്ച് നടന്നിട്ടുണ്ടല്ലോയെന്നും പറഞ്ഞു.
