Category: Kottayam

കഞ്ഞിക്കുഴി: വനംവകുപ്പ് ഉദ്യോഗസ്ഥർക്കെതിരെ ഭീഷണിയും അധിക്ഷേപവുമായി സി.പി.എം നേതാവ് എം.എം. മണി. സിപിഎം നഗരംപാറ ഓഫീസിലേക്ക് നടത്തിയ മാർച്ച് ഉദ്ഘാടനംചെയ്ത് സംസാരിക്കുന്നതിനിടെയാണ് എം.എം. മണിയുടെ പ്രസ്താവന.കഞ്ഞിക്കുഴി മേഖലയിൽ വനംവകുപ്പ് നടത്തുന്ന കുടിയിറക്കൽ നീക്കങ്ങൾക്കെതിരെയായിരുന്നു മണിയുടെ പ്രസംഗം. മര്യാദകേട് കാണിക്കുന്ന ഉദ്യോഗസ്ഥരെ എങ്ങനെ കൈകാര്യംചെയ്യണമെന്ന് തങ്ങൾക്കറിയാമെന്നും അത്തരക്കാർക്ക് വഴിയേനടക്കാൻ കഴിയില്ലെന്നും മണി വെല്ലുവിളിച്ചു. ‘മര്യാദകേട് കാണിക്കുന്ന ഉദ്യോഗസ്ഥരെ എങ്ങനെ കൈകാര്യംചെയ്യുമെന്ന് പറയേണ്ടതില്ലല്ലോ, ഉദ്യോഗസ്ഥർക്ക് വീട്ടിൽ ഭാര്യയും മക്കളും ഉണ്ടെന്ന കാര്യം ഓർക്കണം. ഞങ്ങൾ വീട്ടിൽ മടങ്ങി വരുമെന്ന് പറഞ്ഞല്ല പൊതുപ്രവർത്തനത്തിൽ ഇറങ്ങുന്നത്’, മണി പറഞ്ഞു.താമസിക്കുന്ന സ്ഥലം 150 വർഷം…

കോട്ടയം : ദേശീയ മത്സ്യകർഷക ദിനാചരണത്തിന്റെ ജില്ലാതല ഉദ്ഘാടനം ജില്ലാ പഞ്ചായത്ത് പ്രസിഡന്റ് ജോഷി ഫിലിപ്പ് നിർവഹിച്ചു. കോട്ടയം ഐ.എം.എ ഹാളിൽ നടന്ന പരിപാടിയിൽ മുനിസിപ്പൽ ചെയർപേഴ്‌സൺ എം.പി സന്തോഷ് കുമാർ അദ്ധ്യക്ഷത വഹിച്ചു. മത്സ്യകൃഷി മേഖലയിൽ മികവു പുലർത്തിയവരെ ചടങ്ങിൽ ആദരിച്ചു. ജില്ലാ പഞ്ചായത്ത് വികസന കാര്യ സ്ഥിരംസമിതി അദ്ധ്യക്ഷ ഗ്രേസി കരിമ്പന്നൂർ, നഗരസഭ കൗൺസിലർ ജോൺ വർഗീസ്, ഫിഷറീസ് ഡെപ്യൂട്ടി ഡയറക്ടർ ഡോ.ജോയ്‌സ് ഏബ്രഹാം, അസിസ്റ്റന്റ് ഡയറക്ടർ കൃഷ്ണകുമാരി എന്നിവർ പ്രസംഗിച്ചു. ഫിഷറീസ് റിട്ട….

ഇളങ്ങുളം: കൊട്ടിഘോഷിച്ച് ഉദ്ഘാടന മാമാങ്കം നടത്തി. പിന്നെ നിശ്ചലമായി. പാലാ- പൊൻകുന്നം റോഡിൽ ഇളങ്ങുളം ചന്തവളവിൽ എലിക്കുളം പഞ്ചായത്തിന്റെ വഴിയോര വിശ്രമകേന്ദ്രവും ഓപ്പൺജിമ്മും ഹാപ്പിനസ് പാർക്കും ഒരുവർഷത്തിലേറെയായി അടഞ്ഞുതന്നെയാണ്. ഇത് ആർക്കുവേണ്ടി നിർമ്മിച്ചു എന്നാണ് നാട്ടുകാരുടെ പരിഹാസം. വാഹനയാത്രികർക്ക് വിശ്രമത്തിനിടവും ശൗചാലയസൗകര്യവും ലക്ഷ്യമിട്ടാണ് വഴിയിടം പദ്ധതിയിൽ സർക്കാർ ഫണ്ട് വിനിയോഗിച്ച് വിശ്രമകേന്ദ്രം നിർമ്മിച്ചത്. ഹൈവേ നിർമ്മാണഘട്ടത്തിൽ പുറമ്പോക്കായി മാറിയ ഭൂമിയിലാണ് കഫ്ത്തീരിയ സൗകര്യത്തോടെ കെട്ടിടം നിർമ്മിച്ചത്. ഉദ്ഘാടനത്തിന് ശേഷം കരാർ അടിസ്ഥാനത്തിൽ ഇവിടെ കോഫിബാർ തുടങ്ങുകയും അവരുടെ…

കോട്ടയം: എങ്ങാനും അറിയാതെ അതിൽ കാലുവെച്ചാൽ കഥകഴിഞ്ഞെന്ന് വരാം. കെണിയെന്ന് പറഞ്ഞാൽ പോരാ മരണക്കെണിയെന്ന് തന്നെ വിളിക്കണം. ഒരു ഭാഗത്ത് ഓടയുടെ മൂടികൾ ആകെ തകർന്നിരിക്കുന്നു. ചിലത് ഇളകിമാറിയിരിക്കുന്നു. അപകടങ്ങൾ ക്ഷണിച്ചുവരുത്തുമ്പോഴും ഉത്തരവാദപ്പെട്ടവർ ഉറക്കത്തിലാണ്. പ്ലാസ്റ്റിക് റിബണും ടാർവീപ്പകളും സ്ഥാപിച്ച് മുന്നറിയിപ്പ് നൽകാൻ മാത്രം അവർക്കായി. നാഗമ്പടം മേൽപ്പാലത്തിലൂടെ കാൽനടയാത്രക്കാർക്ക് ഭീതിയുടെ മാത്രമേ കടന്നുപോകാൻ കഴിയൂ. ഏറ്റുമാനൂർ ഭാഗത്ത് നിന്ന് നാഗമ്പടം മേൽപ്പാലത്തിലേക്ക് കയറുമ്പോൾ ഇടതുവശത്ത് സ്ഥിതി ചെയ്യുന്ന ഓടകളാണ് അപകടഭീഷണി ഉയർത്തുന്നത്. ഇതിന് സമീപമാണ് ബസ്…

കോട്ടയം: എങ്ങനെയോ ഇവിടം കടന്നുകിട്ടി!. മണിപ്പുഴ-ഈരയിൽക്കടവ് ബൈപ്പാസ് റോഡിലൂടെ കടന്നുപോയവർ ഇത്രകണ്ട് ദുരിതം പ്രതീക്ഷിച്ചില്ല. ഒരു മഴ ചെയ്തു. പിന്നാലെ റോഡ് വെള്ളക്കെട്ടിൽ മുങ്ങിയെന്ന് പറയാം. വെള്ളക്കെട്ട് വാഹനയാത്രക്കാരെയും കാൽനടയാത്രക്കാരെയും ഒരുപോലെ വലച്ചു.. മണിപ്പുഴയിൽ നിന്ന് ബൈപ്പാസിലേക്ക് പ്രവേശിക്കുന്ന ഭാഗത്തും ഈരയിൽക്കടവ് പാലത്തിന് സമീപവും വലിയ തോതിലാണ് വെള്ളം കെട്ടിനിൽക്കുന്നത്. ബൈപ്പാസ് പ്രവേശന റോഡിന് ഇരുവശത്തുമായി ചായക്കടകൾ, ചെടി വില്പനശാല, വാഷിംഗ് സെന്റർ ഉൾപ്പെടെ നിരവധി വ്യാപാര സ്ഥാപനങ്ങൾ പ്രവർത്തിക്കുന്നുണ്ട്. ഇവിടങ്ങളിലേക്ക് എത്തുന്നവർക്ക് വെള്ളക്കെട്ട് മറികടക്കാതെ വഴിയില്ല….

ചങ്ങനാശേരി: ചങ്ങനാശേരി കെ.എസ്.ആർ.ടി.സി സ്റ്റാൻഡിന്റെ നിർമ്മാണ പ്രവർത്തനങ്ങൾ 15 ന് പുനരാരംഭിക്കും. വിനു ജോബ് എം.എൽ.എയും ഊരാളുങ്കൽ സൊസൈറ്റി അധികൃതരുമായി നടത്തിയ ചർച്ചയിലാണ് തീരുമാനം. ഡിസംബർ ആദ്യ വാരം സ്റ്റാൻഡ് ഉദ്ഘാടനം ചെയ്തു തുറന്നു കൊടുക്കാനും തീരുമാനിച്ചു. ആഗസ്റ്റ് 1 മുതൽ ബസുകൾ സ്റ്റാൻഡിലേക്ക് പ്രവേശിപ്പിക്കും. ശേഷിക്കുന്ന പ്ലാസ്റ്ററിംഗ് അടക്കമുള്ള ജോലികളുമാണ് ആരംഭിക്കുന്നത്. നഗരസഭാദ്ധ്യക്ഷൻ ജോമി ജോസഫ്, ഊരാളുങ്കൽ ലേബർ കോൺട്രാക്ട് സൊസൈറ്റി എംഡി എസ്.ഷാജു, വൈസ് ചെയർമാൻ സുരേന്ദ്രൻ, രാഷ്ട്രീയ പാർട്ടി പ്രതിനിധികൾ, ജനപ്രതിനിധികൾ പങ്കെടുത്തു….

കോട്ടയം : ഹരിത കർമ്മസേനയുടെ നേതൃത്വത്തിൽ ജൂൺ മാസത്തിൽ ജില്ലയിൽ നിന്ന് ശേഖരിച്ചത് 518.21 ടൺ അജൈവ മാലിന്യം. ഇവ ശാസ്ത്രീയ സംസ്‌കരണത്തിനായി ക്ലീൻ കേരള കമ്പനിക്ക് കൈമാറി. ശേഖരിച്ച മാലിന്യത്തിൽ 4,01,920 കിലോഗ്രാം റിജക്ട് മാലിന്യവും, 59,455.76 കിലോഗ്രാം തരംതിരിച്ച പ്ലാസ്റ്റിക്കും, 37,210 കിലോഗ്രാം ഗ്ലാസ് മാലിന്യവും, 19,630 കിലോഗ്രാം ലെഗസി മാലിന്യവും ഉൾപ്പെടുന്നു. ശേഖരിക്കുന്ന മാലിന്യങ്ങൾ തദ്ദേശ സ്ഥാപനങ്ങളുടെ നേതൃത്വത്തിലുള്ള എം.സി.എഫ്, ആർ.ആർ.എഫ് കേന്ദ്രങ്ങളിലേക്കും പിന്നീട് പുനരുപയോഗത്തിനായി റീസൈക്ലിംഗ് യൂണിറ്റുകളിലേക്ക് മാറ്റും. മാലിന്യ സംസ്‌കരണ…