വയനാട്ടില് 5 പേര്ക്ക് കൂടി ഷിഗെല്ല സ്ഥിരീകരിച്ചു. 5,7,8,9,11 വയസ്സുള്ള പെണ്കുട്ടികള്ക്കാണ് രോഗബാധ സ്ഥിരീകരിച്ചത്. നിലവില് രോഗം സ്ഥിരീകരിച്ച എട്ടു കുട്ടികളുടെയും ആരോഗ്യനില തൃപ്തികരമെന്ന് ആരോഗ്യവകുപ്പ് അറിയിച്ചു. ജില്ലയില് ക്ലോറിനേഷന് നടപടികള് പുരോഗമിക്കുകയാണ്. കുട്ടികള് പഠിക്കുന്ന സ്കൂളുകളിലെ വെള്ളം വീണ്ടും പരിശോധനയ്ക്ക് അയക്കാനും നീക്കമുണ്ട്. നിലവില് 58 കുട്ടികളാണ് രോഗലക്ഷണങ്ങളുമായി ആശുപത്രികളില് ചികിത്സയില് തുടരുന്നത്. ഇതുവരെ മൂന്നു കുട്ടികള്ക്കാണ് ഷിഗെല്ല സ്ഥിരീകരിച്ചത്.ജില്ലയില് കഴിഞ്ഞ ദിവസങ്ങളിലായി 443 വിദ്യാര്ഥികളാണ് രോഗലക്ഷണങ്ങളുമായി ചികിത്സ തേടിയത്.ചികിത്സയില് ഉണ്ടായിരുന്ന 68 പേരില് 30 പേര് ആശുപത്രി വിട്ടു. സംസ്ഥാനത്ത് ഷിഗെല്ല വ്യാപനത്തില് വൃത്തിയില്ലാത്ത ഹോട്ടലുകള്ക്കും തട്ടുകടകള്ക്കും എതിരെ കര്ശന നടപടി ഉണ്ടാകുമെന്നും ആരോഗ്യമന്ത്രി വ്യക്തമാക്കി.
