തിരുവനന്തപുരം: മദ്യപിക്കാൻ പണം നൽകാത്തതിന് അമ്മയെ കൊലപ്പെടുത്തി മകൻ. സംസ്ഥാന അതിർത്തിയിലെ തിങ്കൾ ചന്തയ്ക്ക് സമീപം മേക്കാമണ്ഡപത്തിൽ സുന്ദരദാസിന്റെ ഭാര്യ തങ്കലീല (67) ആണ് കൊല്ലപ്പെട്ടത്. സംഭവത്തിൽ മകൻ സിബിയെ (37) പൊലീസ് അറസ്റ്റുചെയ്തു.
ഭർത്താവ് മരിച്ചതിനെ തുടർന്ന് മകൾ ജാസ്മിനൊപ്പമായിരുന്നു തങ്കലീലയുടെ താമസം. സംഭവദിവസം സിബിയും തങ്കലീലയും തമ്മിൽ പണത്തെ ചാെല്ലി വാക്കുതകർക്കമുണ്ടായിരുന്നു. ഇതിൽ പ്രകോപിതനായ സിബി അമ്മയെ കാെലപ്പെടുത്തുകയായിരുന്നു എന്നാണ് വിവരം. കൊലപാതകത്തിന് പിന്നാലെ ഇയാൾ സ്ഥലത്തുനിന്ന് രക്ഷപ്പെട്ടിരുന്നു.
പിന്നീടാണ് തങ്കലീലയെ മരിച്ചനിലയിൽ കണ്ടെത്തിയത്. പൊലീസ് നടത്തിയ ചോദ്യംചെയ്യലിൽ അമ്മയെ കൊലപ്പെടുത്തിയതായി സിബി സമ്മതിക്കുകയായിരുന്നു. തുടർന്ന് പൊലീസ് ഇയാളെ അറസ്റ്റുചെയ്തു. താൻ മദ്യപിക്കാൻ പണം ചോദിച്ചാൽ അമ്മ തരില്ലെന്നും സഹോദരി ചോദിച്ചാൽ പണം നൽകുന്നതുകൊണ്ടാണ് കൊലപ്പെടുത്തിയതെന്നും സിബി പൊലീസിന് മൊഴി നൽകി.
