തിരുവനന്തപുരം: വർക്കലയിൽ വിദേശ വനിതയെ ആക്രമിച്ച സംഭവത്തിൽ പ്രതി പിടിയിൽ. വർക്കല ഓടയം സ്വദേശി ഷഹദാണ് അയിരൂർ പൊലീസിന്റെ പിടിയിലായത്. ഇന്ന് പുലർച്ചെയാണ് ഷഹദ് വിദേശ വനിതയെ ആക്രമിച്ചത്. ഹോട്ടലിൽ നിന്ന് ഭക്ഷണം കഴിച്ചശേഷം താമസസ്ഥലത്തേക്ക് പോകവേ അജ്ഞാതൻ തന്നെ ആക്രമിക്കുകയും തട്ടിക്കൊണ്ടു പോകാൻ ശ്രമിക്കുകയും ചെയ്തു എന്നാണ് ബ്രിട്ടീഷ് വനിത വർക്കല ഡിവൈഎസ്പിക്ക് നൽകിയ പരാതിയിൽ പറയുന്നത്. പരാതിയുടെ അടിസ്ഥാനത്തിൽ പൊലീസ് നടത്തിയ അന്വേഷണത്തിലാണ് ഷഹദ് പിടിയിലാകുന്നത്.
വർക്കലയിൽ വിദേശ വനിതയെ ആക്രമിച്ചെന്ന പരാതി; പ്രതി പിടിയിൽ
