കാനഡയിൽ കാട്ടുതീ; യുഎസിലെ നഗരങ്ങളിലേക്കും പുക പടർന്നു
ടൊറന്റോ/ ന്യൂയോർക്ക് ∙ കാട്ടുതീയിൽ നീറിപ്പുകഞ്ഞ് കാനഡ, യുഎസ് നഗരങ്ങൾ. കാനഡയിൽ വടക്കുപടിഞ്ഞാറൻ ഒന്റേറിയോയിലുണ്ടായ കാട്ടുതീയുടെ പുക ടൊറോന്റോയുടെ ആകാശം മൂടി; അയൽരാജ്യമായ യുഎസിലെ നഗരങ്ങളിലേക്കും പുക പടർന്നു. കാനഡയോടു ചേർന്നുള്ള വടക്കുകിഴക്കൻ യുഎസ് നഗരങ്ങളെയാണ് കാട്ടുതീയുടെ പുക ബാധിച്ചത്. ഇവിടങ്ങളിൽ ആരോഗ്യമുന്നറിയിപ്പുണ്ട്. ജനങ്ങൾ പുറത്തിറങ്ങരുതെന്നും നിർദേശമുണ്ട്. കാട്ടുതീ മൂലം കാനഡയിലെ ടൊറൊന്റോയിൽ ബുധനാഴ്ചത്തെ വായുനിലവാരം ഡൽഹിയിലേതിനെക്കാൾ മോശമായി. ബുധനാഴ്ച 835 ഇടങ്ങളിലാണ് കാട്ടുതീ രൂക്ഷമായത്. ഇതിൽ 112 എണ്ണം അണയ്ക്കാനാകാത്തവിധം നിയന്ത്രണാതീതമായി. 47 ലക്ഷം ഏക്കർ ഭൂമി…
