ഓണം ബംബർ ഒന്നാം സമ്മാനത്തുക 30 കോടിയായി ഉയർത്തി, ടിക്കറ്റ് വിലയിൽ മാറ്റമില്ല

തിരുവനന്തപുരം: ഓണം ബംബറിന്റെ സമ്മാനത്തുക വർദ്ധിപ്പിച്ച് ഭാഗ്യക്കുറി വകുപ്പ്. 25 കോടിയായിരുന്ന ഒന്നാം സമ്മാനത്തുക 30 കോടി രൂപയായി വർദ്ധിപ്പിച്ചു. ടിക്കറ്റ് വിലയിൽ മാറ്റമില്ല. ഓണം ബംബർ ടിക്കറ്റിന് 500 രൂപയാണ് വില. ഓണം ബംബറിന്റെ പ്രകാശനം ജൂലായ് 17ന് മുഖ്യമന്ത്രി വി ഡി സതീശൻ നിർവഹിക്കുമെന്ന് ലോട്ടറി വകുപ്പ് ഡയറക്ടർ അഞ്ജു കെ എസ് അറിയിച്ചു.

90 ലക്ഷം ടിക്കറ്റുകളാണ് ഏജന്റുമാർക്ക് നൽകാൻ നിശ്ചയിച്ചിട്ടുള്ളതെങ്കിലും ഡിമാന്റ് അനുസരിച്ച് ഇത് വർദ്ധിപ്പിച്ചേക്കും. TA, TB, TC, TD, TE, TG,TH, TJ, TK, TL എന്നീ സീരിസുകളിലാണ് ടിക്കറ്റ് പുറത്തിറക്കുന്നത്. സെപ്തംബർ 26ന് തിരുവനന്തപുരം ഗോർഖി ഭവനിലാണ് നറുക്കെടുപ്പ് നടക്കുന്നത്.