ബംഗളൂരു: മജസ്റ്റിക് റെയിൽവെ സ്റ്റേഷനിൽ വൻ തീപിടിത്തം. ഒന്നാം നമ്പർ പ്ളാറ്റ്‌ഫോമിലാണ് തീപിടിത്തം ഉണ്ടായത്. നിർത്തിയിട്ടിരുന്ന ട്രെയിനിന്റെ കോച്ചിലാണ് ആദ്യം തീകണ്ടത്. നിമിഷങ്ങൾ കൊണ്ട് തീ ആളിപടരുകയായിരുന്നു. തീപടർന്ന കോച്ച് പൂർണമായും കത്തിനശിച്ചു. സംഭവമറിഞ്ഞയുടൻ റെയിൽവെ അധികൃതരും അഗ്നിരക്ഷാ സേനയും സ്ഥലത്തെത്തി തീയണച്ചു. ആർക്കും ജീവാപായം സംഭവിച്ചിട്ടില്ല എന്നാണ് വിവരം. ഷോർട്‌സർക്യൂട്ടാണ് അപകട കാരണമെന്നാണ് പ്രാഥമിക നിഗമനം. സംഭവത്തിൽ റെയിൽവെ പൊലീസ് വിശദമായ അന്വേഷണം ആരംഭിച്ചിട്ടുണ്ട്.

ഗ്രേറ്റർ നോയിഡ: കെഎഫ്‌സി ചിക്കനിൽ പുഴുവിനെ കണ്ടെത്തിയതിനെ തുടർന്ന് ഉപഭോക്താവിന്റെ പരാതിയിൽ ഭക്ഷ്യസുരക്ഷാ വകുപ്പിന്റെ പരിശോധന. ഗ്രേറ്റർ നോയിഡയിലുള്ള ഗൗർ സിറ്റി മാളിലെ കെഎഫ്‌സി ഔട്ട്‌ലെറ്റിലാണ് പരിശോധന നടന്നത്. ഇതിന്റെ ചിത്രങ്ങളും ദൃശ്യങ്ങളും ഉപഭോക്താവ് സോഷ്യൽ മീഡിയയിൽ പങ്കുവച്ചിരുന്നു. ഡീപ്പ് ഫ്രൈ ചെയ്ത ചിക്കനിൽ പുഴുവിനെ കണ്ടെത്തിയെന്ന തരത്തിലുള്ള വീഡിയോ സമൂഹമാദ്ധ്യമങ്ങളിൽ പ്രചരിച്ചതിന് പിന്നാലെയാണ് പരിശോധന നടത്തിയതെന്ന് ഭക്ഷ്യസുരക്ഷാ വകുപ്പ് പറഞ്ഞു. വീഡിയോ പങ്കുവച്ച വ്യക്തിയുമായി ബന്ധപ്പെടാൻ അധികൃതർ ശ്രമിക്കുന്നുണ്ട്. ഔട്ട്‌ലെറ്റിലെ ഭക്ഷ്യവസ്തുക്കളുടെ ഗുണനിലവാരവും ഭക്ഷണം തയ്യാറാക്കുന്നതിനുള്ള…

ന്യൂഡൽഹി: സത്യനികേതനടുത്ത് വിദ്യാർഥികൾ താമസിച്ചിരുന്ന അഞ്ചുനില കെട്ടിടം തകർന്നുവീണ ദുരന്തത്തിൽ നടുക്കം രേഖപ്പെടുത്തി കോൺഗ്രസ് അധ്യക്ഷൻ മല്ലികാർജുൻ ഖർഗെ. വിദ്യാർഥികളുടെ ജീവൻ വിലപ്പെട്ടതാണെന്നും ഡൽഹിയിലെ സുരക്ഷിതമല്ലാത്ത പി.ജി ഹോസ്റ്റലുകളുടെ ദുരവസ്ഥയാണ് ദുരന്തം തുറന്നുകാട്ടുന്നതെന്നും ഖർഗെ പറഞ്ഞു. ഇന്നുച്ചയോടെയാണ് കെട്ടിടം തകർന്നുവീണത്. ഏകദേശം 40 വർഷം പഴക്കമുള്ള കെട്ടിടത്തിൽ അറ്റകുറ്റപ്പണികൾ നടക്കുന്നതിനിടെയാണ് അപകടം. ഡൽഹി സർവകലാശാലയിലേതുൾപ്പെടെയുള്ള വിദ്യാർഥികൾ ഇവിടെ താമസിച്ചിരുന്നു. പരുക്കേറ്റവരെ ഡൽഹി എയിംസിൽ പ്രവേശിപ്പിച്ചു. ഗുരുഗ്രാം സ്വദേശി ആനന്ദ് ബൻസലാണ് കെട്ടിട ഉടമ. ഇയാൾക്കെതിരെ പൊലീസ് കേസെടുത്തു….

ന്യൂഡൽഹി: അഞ്ചുനില കെട്ടിടം തകർന്നുവീണതിന്റെ നടുക്കത്തിലാണ് രാജ്യതലസ്ഥാനം. ഞായറാഴ്ച ഉച്ചയ്ക്ക് ഒന്നരയോടെയുണ്ടായ അപകടത്തിൽ ഇതുവരെ മൂന്ന് പേർ മരിച്ചു. ഒമ്പത് പേരെ രക്ഷപ്പെടുത്തി. രക്ഷപ്പെടുത്തിയവരിൽ അഞ്ച് പേരുടെ നില ഗുരുതരമാണെന്ന് പൊലീസ് അറിയിച്ചു. അപകടസമയത്ത് കെട്ടിടത്തിൽ അൻപതോളം വിദ്യാർഥികൾ ഉണ്ടായിരുന്നതായാണ് വിവരം. അവശിഷ്ടങ്ങൾക്കിടയിൽ കുടുങ്ങിയ വിദ്യാർഥികൾ ഫോണിലൂടെ സഹായം തേടിയതായി പ്രദേശവാസികൾ പറഞ്ഞു. കുടുങ്ങിക്കിടക്കുന്നവരിൽ നിന്ന് ഇപ്പോഴും ഫോൺ കോളുകൾ ലഭിക്കുന്നുണ്ടെന്നും രക്ഷാപ്രവർത്തകർ അവരുമായി നിരന്തരം ആശയവിനിമയം നടത്തുകയാണെന്നും അപകടസ്ഥലം സന്ദർശിച്ച എംഎൽഎ അനിൽ ശർമ പറഞ്ഞു….