Category: News

കൊച്ചി: സംസ്ഥാനത്തെ വൈദ്യുതി പ്രതിസന്ധിയിൽ സംസ്ഥാന സർക്കാരിനെ ഇപ്പോൾ വിമർശിക്കാനില്ലെന്ന് കേന്ദ്ര സഹമന്ത്രി സുരേഷ് ഗോപി. പ്രതിസന്ധിക്ക് മുൻ സർക്കാരുകൾക്കും ഉത്തരവാദിത്തമുണ്ടെന്നും അദ്ദേഹം പറഞ്ഞു. കഴിഞ്ഞ പത്ത് വർഷത്തിനിടെ ഇത്തരമൊരു വൈദ്യുതി പ്രതിസന്ധി ഉണ്ടായിട്ടില്ലെന്ന ചോദ്യത്തിന്, കഴിഞ്ഞ പത്ത് വർഷത്തിനിടെ എന്തൊക്കെ സംഭവിച്ചുവെന്നതിന്റെ കണക്കും പറയണമെന്ന് സുരേഷ് ഗോപി മറുപടി നൽകി. സംസ്ഥാന സർക്കാരിനെ വിമർശിക്കണമെന്ന തരത്തിലുള്ള മാധ്യമങ്ങളുടെ ചോദ്യങ്ങൾക്ക് പിന്നിൽ ദുഷ്ടലാക്കുണ്ടെന്നും അദ്ദേഹം ആരോപിച്ചു. യുഡിഎഫ് സർക്കാരിനെ വിമർശിക്കാനുള്ള സമയമായിട്ടില്ലെന്നും സുരേഷ് ഗോപി വ്യക്തമാക്കി.

ആലപ്പുഴ: കോഴി കർഷകർക്ക് ഇരുട്ടടിയായി രാത്രികാല വൈദ്യുതി നിയന്ത്രണം. വൈദ്യുതി മുടക്കം കാരണം കൃത്രിമ ചൂട് ലഭിക്കാതെ കോഴിക്കുഞ്ഞുങ്ങൾ കൂട്ടത്തോടെ ചത്തൊടുങ്ങുന്നതാണ് കർഷകർക്ക് തിരിച്ചടിയായത്. വലിയ വിലകൊടുത്ത് വാങ്ങുന്ന കോഴിക്കുഞ്ഞുങ്ങൾ ഇത്തരത്തിൽ ചത്തൊടുങ്ങുന്നത് കനത്ത സാമ്പത്തിക നഷ്ടത്തിനിടയാക്കും. കോഴി വളർത്തലിനെ കൃഷിയിൽ ഉൾപ്പെടുത്താത്തതിനാൽ നഷ്ടപരിഹാരവും ലഭിക്കാറില്ല. കേരളത്തിൽ ഒരുദിവസം 15 ലക്ഷം കോഴിയിറച്ചിയാണ് വേണ്ടത്. ഇതിന് ഏകദേശം 20 ലക്ഷം കോഴികളെ ആവശ്യമായി വരും. ഞായറാഴ്ച ദിവസങ്ങളിലും ആഘോഷ ദിവങ്ങളിലും 30 ലക്ഷത്തിന് മുകളിൽ കോഴികളെ വേണ്ടിവരും….