വെസ്റ്റ് നൈല് പനി ബാധിച്ച് സംസ്ഥാനത്ത് ഒരു മരണം. എറണാകുളം ആലുവ സ്വദേശി മുരളീധരനാണ് ചികിത്സയിലിരിക്കെ മരിച്ചത്. കളമശ്ശേരി മെഡിക്കല് കോളജില് ചികിത്സയില് ആയിരുന്നു . ഒരാഴ്ചക്കിടെ രണ്ടാമത്തെ മരണമാണ് ഇത്.ജില്ലയില് പകര്ച്ചപനിയും വ്യാപകമാണ്.ക്യൂലക്സ് കൊതുക് പരത്തുന്ന ഒരു പകര്ച്ചവ്യാധിയാണ് വെസ്റ്റ് നൈല്. 1937-ല് ഉഗാണ്ടയിലാണ് വൈറസിനെ ആദ്യമായി കണ്ടെത്തിയത്. സംസ്ഥാനത്ത് ആദ്യമായി 2011-ല് ആലപ്പുഴയിലാണ് വെസ്റ്റ് നൈല് റിപ്പോര്ട്ട് ചെയ്തത്.തലവേദന, പനി, പേശിവേദന, തലചുറ്റല്, ഓര്മ നഷ്ടപ്പെടല് എന്നിവയാണ് പ്രധാന രോഗ ലക്ഷണങ്ങള്. പലപ്പോഴും രോഗലക്ഷണങ്ങള് പ്രകടമാകാറില്ല. ചിലര്ക്ക് പനി, തലവേദന, ഛര്ദി, ചൊറിച്ചില് തുടങ്ങിയവ കാണാം.ശരിയായ ചികിത്സയോ വാക്സിനോ വെസ്റ്റ് നൈല് പനിയ്ക്ക് ലഭ്യമല്ല. കൊതുകുകടി ഏല്ക്കാതിരിക്കുകയാണ് ഏറ്റവും നല്ല പ്രതിരോധ മാര്ഗം. സ്വയംചികിത്സ രോഗത്തെ സങ്കീര്ണമാക്കും.
