‘ ആഞ്ഞടിച്ച കൊടുങ്കാറ്റിനു മുന്നിലും പാര്‍ട്ടിയെ ഉലയാതെ കാത്ത കപ്പിത്താന്‍’ ; കോടിയേരിയെ അനുസ്മരിച്ച് പിണറായി വിജയന്‍
തിരുവനന്തപുരം: സിപിഐഎം സംസ്ഥാന സെക്രട്ടറിയും പൊളിറ്റ് ബ്യൂറോ അംഗവുമായിരുന്ന കോടിയേരി ബാലകൃഷ്ണനെ അനുസ്മരിച്ച് പിണറായി വിജയന്‍. പ്രിയ സഖാവ് കോടിയേരി ബാലകൃഷ്ണന്‍ നമ്മെ വിട്ടുപിരിഞ്ഞിട്ട് നാല് വര്‍ഷം തികയുകയാണ്. സഖാവിന്റെ വിയോഗം വ്യക്തിപരമായും പ്രസ്ഥാനത്തിനും സൃഷ്ടിച്ച വിടവ് നികത്താനാവാത്തതാണ്. എങ്കിലും ഒരു വഴിവിളക്കുപോലെ അദ്ദേഹത്തിന്റെ സ്മരണകള്‍ നമുക്ക് മുന്നില്‍ ഇന്നും ജ്വലിച്ചു നില്‍ക്കുന്നു. ഏതു പ്രതിസന്ധിയേയും വൈഷമ്യങ്ങളെയും സൗമ്യമായ ചിരിയോടു കൂടി നേരിടാന്‍ കോടിയേരിക്ക് കഴിഞ്ഞിരുന്നു. പാര്‍ട്ടിക്കെതിരെ ഉയര്‍ന്ന ആക്രമണങ്ങളെ കാരിരുമ്പിന്റെ കാര്‍ക്കശ്യത്തോടെ സഖാവ് പ്രതിരോധിച്ചു. അക്കാര്യത്തില്‍…
