തിരുവനന്തപുരം:സ്വകാര്യവത്കരണം സർക്കാരിന്റെ നയമല്ലെന്നും നിരന്തരം ഖജനാവ് ചോർത്തുന്ന പൊതുമേഖലാ സ്ഥാപനങ്ങളെ സംരക്ഷിക്കാനാവില്ലെന്നും മുഖ്യമന്ത്രി വി.ഡി.സതീശൻ. ഐ.എൻ.ടി.യു.സി സംസ്ഥാനനേതൃയോഗം ഉദ്ഘാടനം ചെയ്യുകയായിരുന്നു മുഖ്യമന്ത്രി. കെ.എസ്ആർ.ടി.സി, ഇലക്ട്രിസിറ്റിബോർഡ് തുടങ്ങിയ സ്ഥാപനങ്ങളെ സർക്കാർ സഹായമില്ലാതെ സ്വന്തം നിലയിൽ നിലനിറുത്താനും പരിപോഷിപ്പിക്കാനും നടപടികളെടുക്കും. രാജ്യത്തെ 29 തൊഴിൽനിയമങ്ങൾ കോൺഗ്രസ് ഗവൺമെന്റുകൾ നടപ്പാക്കിയത് ഐ.എൻ.ടി.യു.സി നിർദേശപ്രകാരമായിരുന്നു. അവമാറ്റിമറിച്ചാണ് ബി.ജെ.പി സർക്കാർ ലേബർകോഡുകൾ നടപ്പാക്കുന്നത്. പാർലമെന്റ് ലേബർകോഡുകൾ പാസാക്കിയതിനാൽ അത് നടപ്പാക്കുന്നതിൽ നിന്ന് ഗവൺമെന്റുകൾക്ക് മാറിനിൽക്കാനാവില്ല. തൊഴിലാളികൾക്ക് ദ്രോഹകരമല്ലാത്ത ചട്ടങ്ങൾ രൂപീകരിക്കാൻ നടപടികളെടുക്കും. അതിനുമുമ്പ് ട്രേഡ്…

കൊച്ചി: ശബരിമല, ഗുരുവായൂർ ക്ഷേത്രങ്ങൾ തിരുപ്പതി മോഡലാക്കി മാറ്റുമെന്നും ഇതിനായി ആയിരം കോടി രൂപ വേണമെങ്കിലും ചെലവാക്കുമെന്നും മുഖ്യമന്ത്രി വി ഡി സതീശൻ. അഖില ഭാരത അയ്യപ്പ സേവാസംഘം പറവൂർ യൂണിയൻ സംഘടിപ്പിച്ച പരിപാടിയിൽ സംസാരിക്കുകയായിരുന്നു അദ്ദേഹം. ‘ശബരിമല, ഗുരുവായൂർ ക്ഷേത്രങ്ങളെ ലോകത്തിന്റെ എല്ലാ ഭാഗത്തുനിന്നും തീർത്ഥാടകർ എത്തുന്ന കേന്ദ്രങ്ങളാക്കി മാറ്റും. തിരുപ്പതിയിൽ ഇതിന് നേതൃത്വം നൽകിയ ആർക്കിടെക്‌ട് ഉൾപ്പെടെയുള്ളവരോട് ശബരിമലയും ഗുരുവായൂരും സന്ദർശിക്കണമെന്ന് ആവശ്യപ്പെട്ടിട്ടുണ്ട്. ഈ ശബരിമല സീസൺ കഴിഞ്ഞാൽ അതിനുള്ള നടപടികൾ ആരംഭിക്കും. തെലങ്കാന…

കൊച്ചി: കണ്ടെയ്നർ ടെർമിനൽ റോഡിൽ വാഹനാപകടത്തിൽപ്പെട്ട യുവാവിനെ ആശുപത്രിയിലാക്കാൻ സഹായിച്ച് മുഖ്യമന്ത്രി വി ഡി സതീശൻ. മുളവുകാട് സ്വദേശിയും ബൈക്ക് യാത്രികനുമായ ആൽഫി പെരേരയ്ക്കാണ് യാത്രയ്ക്കിടെ അപകടം സംഭവിച്ചത്. കൊച്ചിയിൽ നടന്ന ഒരു യോഗത്തിൽ പങ്കെടുത്ത് മടങ്ങുന്നതിനിടെയാണ് സംഭവം. മുഖ്യമന്ത്രിയുടെ വാഹനവ്യൂഹത്തിന് തൊട്ടുമുന്നിലാണ് അപകടം നടന്നത്. രണ്ട് ഇരുചക്രവാഹനങ്ങൾ തമ്മിൽ കൂട്ടിയിടിച്ചതിനെ തുടർന്ന് യുവാവ് റോഡിൽ മുഖമടിച്ചുവീണ് പരിക്കേറ്റിരുന്നു. അപകടം കണ്ട ഉടൻ തന്നെ വാഹനം നിർത്തി പുറത്തിറങ്ങി. പരിക്കേറ്റയാളെ ആശുപത്രിയിലാക്കാൻ മുഖ്യമന്ത്രി പോലീസുകാർക്ക് നിർദേശം നൽകി….

കൊല്ലം: കൊല്ലം പോർട്ട് വികസനത്തെ ഏറ്റവും പ്രാധാന്യത്തോടെ കൂടിയാണ് കാണുന്നതെന്നും വിഴിഞ്ഞത്തിന്റെ സാറ്റലൈറ്റ് പോർട്ടായി കൊല്ലത്തെ വികസിപ്പിക്കുമെന്നും കൊല്ലം എംഎൽഎയും സംസ്ഥാന തൊഴിൽ, വനിത ശിശു വികസന, മൃഗസംരക്ഷണ, ക്ഷീരവികസന വകുപ്പ് മന്ത്രിയുമായ ബിന്ദു കൃഷ്ണ പറഞ്ഞു. കൊല്ലം പോർട്ട് വികസനവുമായി ബന്ധപ്പെട്ട് പോ‌ർട്ടിൽ നടത്തിയ സന്ദർശനത്തിനു ശേഷം സംസാരിക്കുകയായിരുന്നു മന്ത്രി. 2011-16 കാലയളവിൽ കൊല്ലം പോർട്ടിന്റെ വികസനത്തിന് നിരവധി പദ്ധതികൾ നടപ്പിലാക്കിയിരുന്നു. എന്നാൽ അതിനു ശേഷം പോർട്ടിന്റെ വികസനം സ്തംഭിച്ചിരിക്കുകയായിരുന്നു. കഴിഞ്ഞ 10 വർഷത്തിനിടെ കൊല്ലം…

തിരുവനന്തപുരം: കേരളത്തിൽ മെഡിക്കൽ ഉപകരണ വ്യവസായത്തിന് അസാമാന്യമായ വളർച്ചാസാധ്യതയുണ്ടെന്നും ഈ മേഖലയിൽ പുതിയ വ്യവസായ പാർക്കുകൾ ഉൾപ്പെടെ ആരംഭിക്കാൻ സർക്കാർ പൂർണ പിന്തുണ നൽകുമെന്നും മുഖ്യമന്ത്രി വി.ഡി. സതീശൻ. കേരള മെഡിക്കൽ ഡിവൈസ് ഇൻഡസ്ട്രി അസോസിയേഷന്റെ (കെഎംഡിഐഎ) പ്രവർത്തനോദ്ഘാടനം ഹയാത്ത് റീജൻസിയിൽ നിർവഹിക്കുകയായിരുന്നു അദ്ദേഹം. ആരോഗ്യരംഗത്തെ സാങ്കേതിക മാറ്റങ്ങൾ മെഡിക്കൽ ഉപകരണ വ്യവസായത്തിന് വലിയ അവസരങ്ങളാണ് തുറക്കുന്നത്. ആർട്ടിഫിഷ്യൽ ഇന്റലിജൻസ് മുതൽ നാനോടെക്നോളജി വരെ ചികിത്സയെയും രോഗനിർണയത്തെയും മാറ്റിമറിക്കുകയാണ്. സാങ്കേതികവിദ്യയും അറിവും നിരന്തരം പുതുക്കുകയും ലോകവിപണിയുടെ ആവശ്യങ്ങൾ…

കായംകുളം∙ പിതാവിനൊപ്പം ബൈക്കിൽ യാത്ര ചെയ്യുകയായിരുന്ന പത്തു വയസുകാരി ബസിനടിയിൽപ്പെട്ട് മരിച്ചു. ചെട്ടികുളങ്ങര കണ്ണംമംഗലം ശ്രീലകം വീട്ടിൽ ശ്രീകാന്തിന്റെയും വിദ്യയുടെയും മകൾ ശ്രീഭദ്രയാണ് മരിച്ചത്. ചെട്ടികുളങ്ങര ഈരേഴ വടക്ക് എൽപിഎസിലെ 4-ാം ക്ലാസ് വിദ്യാർഥിയാണ്. കെ.പി.റോഡിൽ കായംകുളം പൊലീസ് സ്റ്റേഷന് സമീപ ഇന്നലെ വൈകിട്ട് 6.15 നാണ് അപകടം. പിതാവ് ശ്രീകാന്തിനൊപ്പം ബൈക്കിൽ വരുകയായിരുന്നു ശ്രീഭദ്ര. ന്നിലായി വരുകയായിരുന്ന ബസ് ബൈക്കിൽ ഇടിക്കുകയായിരുന്നു. ഇതോടെ ബൈക്ക് മറിഞ്ഞ് ശ്രീഭദ്ര അതേ ബസിനടിയിലേക്ക് വീണു. ഗുരുതരമായി പരുക്കേറ്റ ശ്രീഭദ്രയെ ആദ്യം താലൂക്കാശുപത്രിയിൽ…