കൊച്ചി: ഓർത്തഡോക്സ്-യാക്കോബായ സഭാ വിഭാഗങ്ങൾ ഒന്നിച്ച് നിൽക്കണമെന്നും ഇരു വിഭാഗങ്ങൾക്കുമിടയിൽ ഐക്യം ഉണ്ടാക്കാൻ സർക്കാർ ശ്രമിക്കുമെന്നും മുഖ്യമന്ത്രി വി.ഡി. സതീശൻ. രണ്ട് വിഭാഗങ്ങളും ഒരുമിച്ചുനിന്നാൽ വലിയ ശക്തിയായി മാറുമെന്നും കേരളത്തിന്റെ മുഖച്ഛായ തന്നെ മാറുമെന്നും അദ്ദേഹം പറഞ്ഞു. മുളന്തുരുത്തി സുന്നഹദോസിന്റെ 150-ാം വാർഷികാഘോഷ ചടങ്ങിൽ സംസാരിക്കുകയായിരുന്നു മുഖ്യമന്ത്രി. ചടങ്ങിൽ നടൻ മമ്മൂട്ടിയും പങ്കെടുത്തു.
മാപ്പുകൾ കാണുക
ചടങ്ങിൽ ശ്രേഷ്ഠ ബാവ തോമസ് പ്രഥമൻ കാതോലിക്ക ബാവ പുരസ്കാരം നടൻ മമ്മൂട്ടിക്ക് സമ്മാനിച്ചു. പാത്രിയാർക്കീസ് ബാവയാണ് പുരസ്കാരം നൽകിയത്.
എല്ലാ ശത്രുക്കളെയും മിത്രങ്ങളാക്കാൻ കഴിയണമെന്നും അതിനായി നമ്മൾ തന്നെ മുൻകൈയെടുക്കണമെന്നും മമ്മൂട്ടി പറഞ്ഞു. ജീവിതത്തിൽ ഏറ്റവും സന്തോഷം നൽകുന്നത് സമാധാനപരമായ ജീവിതമാണ്. ആരും പരസ്പരം കലഹിക്കാത്ത ഒരു കാലം ഉണ്ടാകട്ടെയെന്നും അദ്ദേഹം ആശംസിച്ചു.
സഭാ തർക്കങ്ങൾക്കപ്പുറം ഐക്യത്തിന്റെയും സമാധാനത്തിന്റെയും സന്ദേശം ഉയർത്തിപ്പിടിച്ചുകൊണ്ടായിരുന്നു ചടങ്ങിൽ മുഖ്യമന്ത്രിയുടെയും മമ്മൂട്ടിയുടെയും പ്രതികരണങ്ങൾ.
