Category: News

ലക്‌‌നൗ: പാട്നയിൽ നിന്ന് ലക്‌നൗയിലേക്ക് പോകുകയായിരുന്ന ഇൻഡിഗോ വിമാനം മിന്നലേറ്റതിനെത്തുടർന്ന് അടിയന്തരമായി ലാൻഡ് ചെയ്തു. 17,000 അടി ഉയരത്തിൽ പറക്കുമ്പോഴാണ് വിമാനത്തിന് മിന്നലേറ്റത്. സംഭവത്തിൽ വിമാനത്തിന്റെ മുൻഭാഗത്തിന് കേടുപാടുകൾ സംഭവിച്ചു. 104 യാത്രക്കാരും ആറ് ജീവനക്കാരുമുൾപ്പെടെ വിമാനത്തിലുണ്ടായിരുന്നു. ഇവർ സുരക്ഷിതരാണെന്ന് അധികൃതർ അറിയിച്ചു. ബുധനാഴ്ച രാത്രിയാണ് സംഭവം നടന്നത്. 6E925 വിമാനം ഉച്ചയ്ക്ക് 3.10നാണ് പാട്നയിൽ നിന്ന് പുറപ്പെട്ടത്. ഇടിമിന്നലേറ്റതിനെത്തുടർന്ന് നിശ്ചയിച്ചിരുന്ന സമയത്തിന് എട്ട് മിനിട്ട് മുൻപ് ലക്‌നൗ വിമാനത്താവളത്തിൽ ലാൻഡ് ചെയ്യുകയായിരുന്നു. ലക്‌നൗവിൽ നിന്ന് അഹമ്മദാബാദിലേക്ക്…

ന്യൂഡൽഹി: വടക്കു കിഴക്കൻ ഡൽഹിയിലെ സീമാപുരിയിൽ അഞ്ചു നില കെട്ടിടം തകർന്ന് ഒന്നര വയസുള്ള കുട്ടി മരിച്ചു. പരിക്കേറ്റ മൂന്ന് വയസുള്ള കുട്ടിയും ഒരു ഗർഭിണിയും അടക്കം എട്ടുപേരെ ജി.ടി.ബി ആശുപത്രിയിൽ പ്രവേശിപ്പിച്ചു. വൈകുന്നേരം 3.30നായിരുന്നു അപകടം. സ്ഥലത്ത് ഇപ്പോഴും രക്ഷാപ്രവർ‌ത്തനം തുടരുകയാണ്. എട്ട് പേരെ രക്ഷപ്പെടുത്തി. നിരവധി പേർ ഇപ്പോഴും കുടുങ്ങിക്കിടക്കുന്നതായാണ് സംശയിക്കപ്പെടുന്നത്. അഞ്ച്പേരെ ഇനിയും കണ്ടെത്താനുണ്ടെന്ന് ബന്ധുക്കൾ അറിയിച്ചു. കെട്ടിടത്തിന്റെ മുൻവശമാണ് തകർന്നത്. അ‌ഞ്ചുപേരെ നാട്ടുകാരാണ് രക്ഷപ്പെടുത്തിയത്. അഗ്നിരക്ഷാ സേനാംഗങ്ങൾ സംഭവംനടന്നയുടൻ സ്ഥലത്തെത്തി രക്ഷാപ്രവർത്തനം…