തിരുവനന്തപുരം: തിരുവനന്തപുരത്തെ ഡിസിസി ഓഫീസിന് നേരെ ആക്രമണം. പ്രധാന ഡോറിലെ ചില്ലുകള് എറിഞ്ഞുതകര്ത്തിട്ടുണ്ട്. ആക്രമണത്തിന് പിന്നില് ബിജെപിയാണെന്ന് സംശയിക്കുന്നതായി പ്രവര്ത്തകര് ആരോപിച്ചിട്ടുണ്ട്. തിരുവനന്തപുരം ബേക്കറി ജംഗ്ഷനിലെ ഓഫീസിന് നേരെയാണ് ആക്രമണം ഉണ്ടായിരിക്കുന്നത്. പോലീസ് പ്രാഥമിക അന്വേഷണം നടത്തിക്കഴിഞ്ഞു.
സംഭവത്തില് ഓഫീസിന് എതിര്വശത്തുള്ള സ്ഥാപനങ്ങളിലെ സിസിടിവി പരിശോധിക്കാനൊരുങ്ങുകയാണ്. കെപിസിസി ഭാരവാഹികള് ഓഫീസില് എത്തിയശേഷമായിരിക്കും പ്രതിഷേധത്തെക്കുറിച്ച് ആലോചിക്കുക. സംഭവത്തില് നിയമനടപടിയെടുക്കാനാണ് കോണ്ഗ്രസ് നേതൃത്വത്തിന്റെ നീക്കം. ദിവസങ്ങളായി കോണ്ഗ്രസും യുവമോര്ച്ചയും ശക്തമായ പ്രതിഷേധം നടത്തുന്നുണ്ട്. കഴിഞ്ഞ ദിവസം കൊല്ലത്ത് കേന്ദ്ര ആഭ്യന്തരമന്ത്രി അമിത്ഷായ്ക്ക് നേരെ കരിങ്കൊടി കാട്ടിയതിനെ തുടര്ന്ന് മുഖ്യമന്ത്രി വി.ഡി. സതീശനെതിരേ യുവമോര്ച്ചയും കരിങ്കൊടി പ്രതിഷേധം നടത്തിയിരുന്നു.
നേരത്തേ ആനാവൂര് മണ്ഡലംകമ്മിറ്റി ഓഫീസിന് നേരെ ആക്രമണം ഉണ്ടായിരുന്നു. ഓഫീസിന് മുന്നിലെ ഫ്ളക്സ്ബോര്ഡ് രാത്രിയില് അക്രമികള് കത്തിക്കുന്നതിന്റെ സിസിടിവി ദൃശ്യങ്ങള് മാധ്യമങ്ങള് പുറത്തുവിട്ടിട്ടുണ്ട്. കോണ്ഗ്രസ് പ്രവര്ത്തകരെ ഭീഷണിപ്പെടുത്തിയതായും ആരോപണമുണ്ട്. സംയമനം പാലിക്കണമെന്നും പ്രകോപനം ഉണ്ടാക്കരുതെന്നും കോണ്ഗ്രസ് പ്രവര്ത്തകരോട് നേതൃത്വം അറിയിച്ചു.
